BolgeXeber.Com » Media » İlk dəfə robot və jurnalistin birgə materialları dərc edilib

İlk dəfə robot və jurnalistin birgə materialları dərc edilib

15-12-2017, 09:41

Oxunub: 6 741

Böyük Britaniyada insanın robotla birgə müəllifliyi ilə yazdığı ilk materialların dərcinə başlanılıb

Tərəfdaşlıq ideyası "Urbs" korporasiyası və "Press Association" informasiya agentliyinə məxsusdur. Bolgexeber.com AZƏRTAC-a istinadən bildirir ki, "The Reporters and Data Robots" (RADAR) proqram təminatı hazırda müstəqil mükəmməl mətnlər yaza bilməsə də, məqalələrdəki statistik məlumatların hazırlanması ilə məşğul olur. Belə ki, yeni texnologiyalar vasitəsilə artıq 35 jurnalist robotla birgə müxtəlif tematikalı materiallar (məsələn, tənha anaların hekayəsi, mürəkkəb tibbi əməliyyatlar) hazırlaya bilib.

Jurnalist mətnlərinin yazılmasına yeni yanaşmanın təşəbbüskarları əmindirlər ki, kompüterlər bu işdə faydalı alət olmaqla, yazı hazırlayan insanlara diqqəti mətnin yaradıcılıq tələb edən hissəsinə yönəltməkdə, eləcə də vaxta qənaət etməkdə kömək göstərəcək. Lakin bir sıra Britaniya KİV-ləri robotlarla birgə müəllifliyə keçidə skeptik yanaşırlar. Bəzi jurnalistlərin fikrincə isə, yaxın gələcəkdə robotlar jurnalistikanın bütün incəliklərinə yiyələnərək, real insanları əvəzləyə biləcək. Bundan başqa, onların istirahət günlərinə və əmək haqqına ehtiyacı yoxdur

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]