Bizimlə əlaqə | Reklam
BolgeXeber.Com » Media » Əvəz Zeynallının məhkəməsi başa çatdı

Əvəz Zeynallının məhkəməsi başa çatdı

6-02-2013, 20:20
Oxunub: 4 872 “Xural” qəzetinin həbsdə olan baş redaktoru Əvəz Zeynallının məhkəmə istintaqı başa çatıb.

Turan agentliyinin məlumatına görə, fevralın 6-da Bakı Ağır Cinayətlər Məhkəməsində hakim Ramella Allahverdiyevanın sədrliyi ilə Əvəz Zeynallının işi üzrə növbəti proses keçirilib. İclasda Vergilər Nazirliyinin nümayəndəsi ifadə verib, o, təqsirləndirilən şəxsin suallarını cavablandırıb. Əvəz Zeynallı yenə vergidən yayınma ittihamlarını rədd edib.


Daha sonra vəkil Elçin Sadıqov bir daha baş redaktor barəsində seçilmiş həbs qətimkan tədbirinin ev dustaqlığı ilə əvəzlənməsi üçün vəsatət qaldırıb. Vəsatət yenə təmin olunmayıb.

Əvəz Zeynallı bildirib ki, dördcildlik cinayət işinin hər səhifəsi saxtalaşdırılıb.

Hakim dəlillər siyahısını elan etdikdə vəkil Elçin Sadıqov deputat Gülər Əhmədovanın təqdim etdiyi audioyazının istintaq tərəfindən saxtalaşdırıldığını deyib.

Daha sonra hakim məhkəmə istintaqının başa çatdığını bildirib.

Dövlət ittihamçısı Ramazan Hadıyevin çıxışı fevralın 13-nə təyin edilib.

Əvəz Zeynallı 2011-ci il oktyabrın 28-dən həbsdədir. O, sabiq deputat Gülər Əhmədovadan hədə-qorxu tətbiq etməklə 10 min manat rüşvət istəmək ittihamı ilə tutulub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]