BolgeXeber.Com » Media » Azərbaycanda 3 qəzet fəaliyyətini dayandırdı

Azərbaycanda 3 qəzet fəaliyyətini dayandırdı

1-02-2019, 11:27

Oxunub: 5 557

Azərbaycanda daha bir qəzet fəaliyyətini dayandırıb.

Qaynarinfo xəbər verir ki, "Unikal" qəzeti bundan sonra nəşr olunmayacaq. Bu barədə qəzetin baş redaktoru Asəf Quliyev məlumat verib.

"Unikal" qəzeti 9 ildir fəaliyyət göstərirdi. Bundan əvvəl isə "Bizim Yol" və "Reytinq" qəzetlərinin fəaliyyətinin dayandırıldığı açıqlanmışdı

Qeyd edək ki, Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) qəzetlərin maliyyələşdirilməsi ilə bağlı qaydaları sərtləşdirib. Yeni şərtlərdə bildirilir ki, Fondun müsabiqə elanında təklif olunan dəyişikliyə əsasən, qurumun KİV-ə maliyyə yardımı müsabiqəsində son 3 ildə müntəzəm gündəlik nəşr olunan, müsabiqə elan edilən gündən səhifələrinin sayı 16-dan (A3 formatda), tirajı 5000 nüsxədən az olmayan, hər buraxılışından ən azı 2000 nüsxəsi satılan və ya abunə yolu ilə yayılan ictimai-siyasi qəzetlər iştirak edə bilərlər.

Bu qərardan sonra 20-yə yaxın qəzetə maliyyə yardımının kəsiləcəyi deyilir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]