Bizimlə əlaqə | Reklam
BolgeXeber.Com » Media » Jurnalistlərin hüquqları artırılır

Jurnalistlərin hüquqları artırılır

11-07-2013, 10:20
Oxunub: 5 318 Azərbaycan jurnalistlərinin VI qurultayı öz işinə başlayıb.

Qurultay iştirakçıları öncə Fəxri Xiyabanı ziyarət ediblər. Daha sonra qurultayda iştirak etmək üçün qeydiyyat başlayıb.

Bolgexeber.com xəbər verir ki, qurultaya Azərbaycan jurnalistlərinin peşə davranış qaydaları ilə bağlı yeni variant təklif olunub. Yeni varinata əsas jurnalistlərə informasiya əldə etmək, hazırlamaq üçün yeni imkanların verilməsi nəzərdə tutulub.

Belə ki, diqqət çəkən məqam ondan ibarətdir ki, indiyə qədər jurnalist informasiya əldə etmək üçün gizli çəkilişlərdən istifadə edə bilməzdi. Amma yeni təklif olunan variantda bəzi dəyişikliklər təklif olunur.

Maddə 2.4-də qeyd olunub ki, müstəsna hal kimi digər imkanlar mövcud olmadıqda ictimai əhəmiyyət kəsb edən informasiyanın əldə edilməsi üçün jurnalist xüsusi avadanlıqlardan (gizli kameralar, gizli mikrafonlar və digər vasitələrdən və üsullarından qurama kimlikdən) istifadə edə bilər.

Maddə 2.5. jurnalist məlumatların əldə edilməsi məqsədi ilə hədələməyə yol verməməlidir.

Qurultaya təklif olunan digər dəyişikliklər isə bundan ibarətdir:

Jurnalistlərin özünün və çalışdığı orqanın reputasiyasının qorunması ilə bağlı Maddə 4-ə artıq internet media vasitələri də əlavə edilib.

4.6-da plaqiat yolverilməzdir.

Təklif olunan dəyişikliyə əsasən informasiya əldə etmək üçün vəsaitin ödənilməsinə təklif olunub ki, KİV orqanları, məsələn internet portalları zərurət olmadıqca informasiya mənbələrinə pul ödəməməlidir. Lakin ictimaiyyətin əldə etmək hüquqnun olduğu informasiyanı toplayarkən zərurət olduğu hallarda ödənişlərin həyata keçirilməsi müvafiq reportajda göstərilməlidir.

Bu dəyişikliklər qurultayın müzakirəsinə çıxarılacaq. ATƏT və Mətbuat Şurasının birgə layihələri əsasında təkmilləşdirilib.

Qeyd edək ki, bu sənədlər 2003-cü ilin martın 15-də Azərbaycan jurnalistlərinin qurultayında qəbul edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]