Bizimlə əlaqə | Reklam
BolgeXeber.Com » Media » Daha bir jurnalist həbs oluna bilər

Daha bir jurnalist həbs oluna bilər

19-09-2013, 16:00
Oxunub: 5 122 Gənc siyasi fəal, Kanal13 internet televiziyasının əməkdaşı Məhəmməd Türkmən həbs təhlükəsi qarşısındadır. Bu barədə o özü musavat.com-a açıqlamasında bildirib.

M.Türkmənin sözlərinə görə, son zamanlar polis orqanları tərəfindən çoxsaylı təzyiqlərə məruz qalmaqdadır: "Bu yaxınlarda Yasamal rayon Polis İdarəsinin 28-ci bölməsi tərəfindən seçki bəhanəsi ilə bölməyə çağırılmışdım. Mənim ev ünvanımı dəqiq bilmək istəyirdilər. Ertəsi gün yaşadığım mənzilin (kirayə qaldığım üçün dəqiq ünvanı bilmirdim) dəqiq ünvanını bildirdim. Bu gün 10 dəqiqə əvvəl qeydiyyatda olduğum Salyan rayonundan mənə zəng gəldi. Məni rayonda polisin axtardığını bildirdilər. Bu, ilk dəfə deyil. Polis orqanlarının məni rayonda axtarmaqlarının səbəbini bilməsəm də, düşünürəm ki, bu mənim peşə fəaliyyətim ilə bağlıdır".

Qeyd edək ki, bu günlərdə M.Türkmən sosial şəbəkədəki profilində hakimiyyətin xoşuna gəlməyəcək şəkil paylaşıb. Bu şəkli o çəkməyib, fotoşəkil onun elektron ünvanına göndərilib, o isə şəkli yayıb. Bütün təqib-təzyiq aksiyaları da məhz ondan sonra başlayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]