BolgeXeber.Com » Xəbərlər » Yeni Əhmədlidə parkı söküb yerində bina tikirlər: - Sakinlər etiraz edir

Yeni Əhmədlidə parkı söküb yerində bina tikirlər: - Sakinlər etiraz edir

28-02-2015, 18:24

Oxunub: 6 597 Yeni Əhmədlidə parkı söküb yerində bina tikirlər: - Sakinlər etiraz edir

Yeni Əhmədli ərazisindəki yaşayış binalarının arasında yerləşən parkı sökərək yerində bina tikirlər

Arqument.az-a bu barədə Yeni Əhmədli (Həzi Aslanov metrostansiyasının yanı) Xudu Məmmədov küçəsi 33 nömrəli binanın sakinləri məlumat verib.

Onlar qeyd edib ki, uzun illərdir sakinlərin istirahət, uşaqların əyləncə parkı sökülür.

Tikinti aparılması məqsədilə parkda olan idman qurğularını və yelləncəklər artıq qoparılaraq atılıb. Sakinlər tikintinin dayandırılması üçün məhkəməyə də müraciət ediblər. Müraciətdən sonra parkın yerində aparılan tikinti dayandırılsa da, 2 aydan sonra yenidən işə düşüb.

Sakinlər qeyd edir ki, onları narahat edən təkcə parkın məhv edilməsi deyil. Aparılan tikintinin binaya çox yaxın olması, binanın həyətinin zəbt edilməsi də sakinlərin narahatlığına səbəb olur.

Qeyd edək ki, tikililər arasında ara məsafələr haqqında ölkədə qüvvədə olan qaydalara əsasən, bina və ya qurğunun ara məsafələri kimi müəyyən edilən torpaq sahəsi bütün hallarda nəqliyyat yolunun üstündə olmalı və ya nəqliyyat yoluna (nəqliyyat keçidinə) çıxışa malik olmalıdır. Yəni iki bina arasında maşın yolu olmalıdır ki, nə vaxtsa yanğın olsa, yanğınsöndürən maşın ora girə bilsin.

Sakinlərin sözlərinə görə, bina ilə yeni tikili arasında məsafə çox az qoyulub.
BOLGEXEBER.COM

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]