BolgeXeber.Com » Xəbərlər » Bakıdakı dəhşətli qətlin üstü açıldı

Bakıdakı dəhşətli qətlin üstü açıldı

6-03-2015, 14:34
Oxunub: 4 687 Bakıdakı dəhşətli qətlin üstü açıldıBakı şəhər Baş Polis idarəsi və şəhər prokurorluğu Bakının Nərimanov rayonunda baş verən qətl hadisəsilə bağlı məlumat yayıb

Prokurorluğun mətbuat xidmətindən BOLGEXEBER.COM-a verilən məlumata görə, Nərimanov rayon hüquq mühafizə orqanlarının birgə həyata keçirdiyi təxirəsalınmaz istintaq-əməliyyat tədbirləri nəticəsində qeyri-aşkar şəraitdə törədilmiş qətl hadisəsinin açılması təmin edilib. Fevralın 28-də saat 23 radələrində rayonun A.Heydərov küçəsi, ev 2 mənzil 16-da kirayədə yaşamış Əliyev Bəxtiyar Mayıl oğlunun bədəni üzərində zorakılıq əlamətləri olan meyitinin aşkar edilməsi faktına görə Nərimanov rayon prokurorluğunda Cinayət Məcəlləsinin 120.1-ci (qəsdən adam ödürmə) maddəsi ilə cinayət işi başlanıb. Həyata keçirilən istintaq və əməliyyat-axtarış tədbirləri nəticəsində həmin cinayətin Kürdəmir rayon sakini, Məlikov Nicat Əliheydar oğlu tərəfindən törədilməsində əsaslı şübhələr yarandığından o, tutularaq istintaqa cəlb olunub. N.Məlikov həyata keçirilən istintaq hərəkətləri, o cümlədən ifadəsinin yerində yoxlanılması zamanı cinayət barəsində etirafedici ifadələr verib. O, qətl hadisəsindən sonra B.Əliyevin yaşadığı mənzildən oğurladığı mərhuma məxsus mobil telefon, kompüter və digər əşyaları istintaq orqanına təqdim edib. Həmin əşyalar maddi sübut kimi cinayət işinin materiallarına əlavə edilib. Hazırda cinayət işi üzrə istintaq-əməliyyat tədbirləri davam etdirilir.
BOLGEXEBER.COM