Bizimlə əlaqə | Reklam
BolgeXeber.Com » Xəbərlər » Azərbaycanda daha bir doğuş faciəsi — 29 yaşlı ana dünyasını dəyişdi

Azərbaycanda daha bir doğuş faciəsi — 29 yaşlı ana dünyasını dəyişdi

10-03-2015, 19:13
Oxunub: 6 148 Azərbaycanda daha bir doğuş faciəsi — 29 yaşlı ana dünyasını dəyişdiGəncədə gənc ailənin uşaq sevinci bir anda faciəyə çevrilib

Bir neçə gün əvvəl qeysəriyyə yolu ilə uşaq dünyaya gətirən 29 yaşlı Təranə Tomuyeva dünən xəstəxanada dünyasını dəyişib.

Mərhumun yaxınlarının Milli.Az-a verdiyi məlumata görə, T.Tomuyeva martın 2-də Gəncə şəhər Doğum Evinə aparılıb.

Orada mama-ginekoloq Ağcagül Qasımova tərəfindən qeysəriyyə əməliyyatı edilib. Sonradan isə xəstənin vəziyyəti qəfil pisləşib və yenidən əməliyyata götürülüb. Dünən isə T.Tomuyeva dünyasını dəyişib.

Təranənin yaxınları iddia edir ki, qeysəriyyə əməliyyatı zamanı həkimlər onun bağırsağını zədələyiblər. Təkrar əməliyyat da məhz bu problemi aradan qaldırmaq üçün edilib.

T.Tomiyevanın əməliyyat edən və adı ölümdə hallandırılan A.Qasımova bildirdi ki, xəstənin ölümündə onun heç bir səhlənkarlığı olmayıb:

“Mərhumun valideynləri çox şey iddia edə bilər. Mənim əməliyyatım normal keçib. Əməliyyatdan sonra xəstənin özündə problemlər olub. Mədə-bağırsaq sistemindəki problemə görə yenidən əməliyyata götürülüb. Əməliyyatdan 2 gün sonra bağırsaqda köp əmələ gəlib, qusmalar olub. Xəstənin ölümündə mənim günahlandırılmağım səhvdir”.

A.Qasımova qeyd etdi ki, xəstədə bağırsaq keçilməməzliyi olub və cərrah çağırılıb. Hər şey qaydasında olub. Bu işdə həkim səhlənkarlığı olsa, məsuliyyətə cəlb olunmalıdır. Belə bir şey mümkün deyil.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]