Bizimlə əlaqə | Reklam
BolgeXeber.Com » Xəbərlər » “Diş həkimi” ilə görüşmək üçün Türkiyəyə, yolda isə başqasına ərə getdi və itdi

“Diş həkimi” ilə görüşmək üçün Türkiyəyə, yolda isə başqasına ərə getdi və itdi

14-03-2015, 10:25
Oxunub: 6 349 Facebookda tanış olduğu “diş həkimi” ilə görüşmək üçün Türkiyəyə gedən, ancaq yolüstü başqası ilə tanış olub dini nikaha girən və sonra yoxa çıxan azərbaycanlı qadın axtarılırFacebookda tanış olduğu “diş həkimi” ilə görüşmək üçün Türkiyəyə gedən, ancaq yolüstü başqası ilə tanış olub dini nikaha girən və sonra yoxa çıxan azərbaycanlı qadın axtarılır

Virtualaz.org saytı xəbər verir ki, Bənövşə Babaşova adlı 22 yaşlı qadın Gürcüstanın Bolnisi bölgəsinin Faxralı kəndindəndir. O, üç aydır yoxa çıxıb.

Bildirilir ki, gənc qadın “diş həkimi” ilə görüşmək üçün kənddən qaçıb və Türkiyəyə gedərkən yolu naməlum səbəbdən Dilovası bölgəsinə düşüb. Orada Halit Kocabay adlı biri ilə dini nikaha girib və həmin şəxsin ikinci arvadı olub.

Bir müddət Kocabayla dini nikahda yaşayan qadın iddialara görə, üç ay əvvəl həmin şəxs tərəfindən Gürcüstana yola çıxan avtobusa mindirilib. Ancaq o gündən etibarən qadından xəbər almaq mümkün deyil. Qadının yoxa çıxması ilə bağlı Dilovası polisinə məlumat verilib.

İddialara görə, Halit Kocabay “qadın kəndindən və evlərindən ötrü darıxdığı” üçün onu Gürcüstana yola salıb. Bir müddət sonra isə qadının Faxralı kəndindəki ailəsi ilə təmas qurub, Bənövşənin hələ kəndə çatmadığını öyrənib.

Halit Kocabay qadının yoxa çıxdığı haqda polisə məlumat verib. Bənövşə Babaşovanın Azərbaycanda təhsil işçisi olan əmisi Məmmədəli də bu haqda Dilovası polisinə məlumat verib. Qızın atasının adı Dursun, anasının adı Tamamdır, onun axtarışları davam edir.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]