Telman İsmayılovun "Mardan Palace" oteli hərraca qoyulur
27-03-2015, 14:07
Oxunub: 7 726
Azərbaycan əsilli yəhudi milyarder Telman İsmayılov Türkiyədə böyük şokla üzləşib BOLGEXEBER.COM virtualaz.org-a istinadən xəbər verir ki, “AST Telman”ın atasının adını daşıyan və 1,4 milyard dollara başa gələn, dünyanın ən dəbdəbəli otellərindən olan yeddiulduzlu “Mardan Palace”a Antalya bələdiyyəsi tərəfindən həbs qoyulub və satışa çıxarılıb.
Xəbərə görə, otel Antalya bələdiyyəsinin 4-cü İcra Müdirliyi tərəfindən iyunun 3-də hərraca çıxarılacaq. Borclara görə həbs edilmiş daşınmaz əmlakın satışını təşkil edən icralik.com saytının idarə heyətinin rəhbəri Emrah Özoral bildirib ki, otelin hazırkı bazar dəyəri 650 milyon TL-dir. Antalya bələdiyyəsi oteli 325 milyon TL başlanğıc qiymətdən hərraca çıxaracaq. “Mardan Palace” 2009-cu ildə böyük təntənə ilə açılıb və Telman İsmayılov otelin açılışına Monika Belluci, Paris Hilton, Riçard Gir, Şeron Stoun kimi çoxsayıı Hollivud ulduzlarını dəvət edib.
Əsas pullarını Rusiyada qazanan yəhudi oliqarxın Türkiyədə 1,4 milyard dolları otel inşasına yatırması və bu cür dəbdəbəli açılış keçirməsi Rusiya prezidenti Vladimir Putini qəzəbləndirib. Putinin göstərişi ilə T.İsmayılovun Moskvadakı “Çerkizovsk” bazarı bağlanıb və sökülüb. Oliqarx həbs təhlükəsindən qorxaraq xeyli müddət Rusiyaya qayıtmayıb, bu ölkədəki biznes aktivlərinin bir çoxunu satıb.
Sonradan məlum olub ki, “Mardan Palace” otelinin tikintisi üçün ayrılan ərazinin sənədləri qaydasında deyil. Həmçinin T.İsmayılov otelin tikintisi üçün Türkiyə banklarından aldığı krediti geri qaytara bilmir. Otelin Antalya bələdiyyəsinə vergi və torpaq icarəsindən də xeyli borcu yaranıb. Məlumatlara görə, tikintisinə 1,4 milyard dollar sərf edilən otel rentabelli deyil. T.İsmayılovun Rusiyada da banklara və iş adamlarına böyük borcları var. Borcları üzündən o, əmlakının bir hissəsini satışa çıxarmalı olub.
BOLGEXEBER.COM
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
