BolgeXeber.Com » Xəbərlər » "ZaminBank"la bağlı ilginc ittiham: Bankda "obnaliçka" əməliyyatları tüğyan edir

"ZaminBank"la bağlı ilginc ittiham: Bankda "obnaliçka" əməliyyatları tüğyan edir

11-04-2015, 12:11

Oxunub: 4 693 "ZaminBank"la bağlı ilginc ittiham: Bankda "obnaliçka" əməliyyatları tüğyan edir

"Çirkli pulları" belə yuyurlar...

Redaksiyamıza yeni daxil olan məlumatlarda “Zamin Bank” ASC-nin Ağstafada yerləşən 10 saylı bank şöbəsinin fəaliyyətində yer almış bir sıra qanun pozuntularına dair maraqlı açıqlamalar təqdim olunur. Bu xüsusda mənbə bildirir ki, şöbənin müdiri Həsən Qurbanov tutduğu vəzifədən sui-istifadə edərək və digər iki qardaşı ilə əlbir olaraq, Zaminbankın vəsaitləri hesabına özlərinə şəxsi biznes yaradıblar. Digər tərəfdən isə bu biznesin diqqəti cəlb edən cəhəti təkcə bank vəsaitlərinin qeyri-qanuni cəlb olunmasından ibarət deyil. Məsələ bundadır ki, Qurbanov qardaşlarının birgə qurduqları bu iş qeyri-leqal beynəlxalq pul köçürmələrinin reallaşdırılmasına əsaslanıb. Məlumat üçün bildirək ki, Həsən Qurbanovun rəhbərlik etdiyi bank şöbəsinin funksiyalarına o cümlədən fiziki şəxlərə hesab açmadan “Caspian Money Transfer”, “Western Union”, “Contact” və “Inter Express” sürətli pul köçürmə sistemləri üzrə köçürmələr həyata keçirilməsi də daxildir. Lakin məlum olduğu kimi bu sistemlər üzrə köçürmələr ciddi məbləğ məhdudiyyətlərinə malikdir. Təbii ki, bu məhdudiyyətlər ölkənin maliyyə sisteminin təhlükəsizliyinin təminatı üçün nəzərdə tutulub və dünyanın bütün dövlətlərində bu və ya digər formada tətbiq olunur. Digər tərəfdən isə elə həmin bu məhdudiyyətlər də bir çox korrupsioner bank əməkdaşlarına “qara köçürmə” sistemini yaratmaq imkanı verib. Ümumilikdə bu sistemin işləmə mexanizmi barədə yəqin ki, çoxlarının təsəvvürü var. Məlum olduğu kimi bu gün Azərbaycana daha çox müxtəlif məhsulların gətirildiyi əsas ölkələrdən biri də Çindir. Təsəvvür edin ki, hər hansı iş adamı artıq qurduğu əlaqələr zəminində Çindən dəyəri 100 min ABŞ dolları olan malın göndərilməsini sifariş edir. Bu zaman ortaya çıxan əsas problem ödənişin həyata keçirilməsi ilə bağlı olur. Təbii ki, bunun qanuni yolu ödənişlərin bank hesabları vasitəsilə həyata keçirilməsidir. Lakin bu prosedur çox zaman nə alan, nə də satan tərəfi qane etmir. Belə ki, bank hesablaşmaları zamanı tələb olunan vergi ödəmələri, bank xidmət haqqı və digər ödənişlər birbaşa malın maya dəyərinə təsir edir. Bax elə bu zaman da səhnəyə Həsən Qurbanov kimi, iş adamlarına “ürək yandıran” bank işçiləri çıxır. Həm də “qara köçürmə” sisteminin xidmətlərindən yararlanmaq üçün uzağa da gemək lazı deyil. Belə ki, bu sistemin “pul köçürmə məntəqəsi” bilavasitə “Binə” ticarət mərkəzində fəaliyyət göstərir. Pul köçürmək istəyən şəxs bura gələrək müəyyən məbləğdə nəğd pulunu təqdim edir. Sonra Çində pulu alacaq şəxsə telefonla zəng olunaraq ona pulu haradan və kimdən götürəcəyi barədə təlimat verilir. Eyni zamanda həm Bakıda, həm də Çində pulu alan və verən şəxslər bir-biriləri ilə əlaqədə olurlar və pulun alındığını təsdiqləyirlər. Beləcə iş adamı üçün “köçürmə” başa çatır. Təbii ki, bu zaman pulu göndərən şəxs müəyyən məbləğdə xidmət haqqı da ödəməli olur. Lakin bu məbləğ həmin əməliyyatın bank vasitəsilə həyata keçirilməsində çəkilən xərcdən xeyli aşağı olur. Qalanı isə necə deyərlər, işin texniki tərəfidir. Yəni Bakıda alınmış pulun həqiqətən də Çinə köçürülməsi böyük ehtimalla yenə də bank hesabları vasitəsilə həyata keçirilir. Lakin bu artıq Zaminbankın (baxdığımız halda) özünün mövcud sxemləri üzrə baş verir. Daxil olan məlumatlarda da bildirilir ki, Zaminbankın xətti ilə işləyən “qara köçürmə” sisteminin “Binə” ticarət mərkəzindəki məntəqəsində işləri aparan şəxs Həsən Qurbanovun İbrahim adlı bir qardaşıdır. Şöbə müdirinin digər bir qardaşı Rəhim isə Zaminbankın baş ofisində, Bakıda çalışır. Bu sistemdə onun vəzifəsi ümumi “əməliyyat planını” “Zamin Bank” ASC-nin Müşahidə Şurasının sədri Nadir İsmayılovla razılaşdırmaq və tələb olunan vəsaitlərin 10 saylı şöbəyə ayrılmasını təmin etməkdir.

Lakin bu da var ki, bəzən bu işlərdə səriştəsi az olan insanlar “qara köçürmə” sisteminin qurbanlarına da çevrilirlər. Məsələn, pul köçürmək istəyən şəxs Çindəki tərəfdaşı ilə vaxtında əlaqə yarada bilmir və əlindəki nəğd pulu etibar edib “köçürmə məntəqəsi”nə təhvil verərək, sadəcə Çində pulun kimdən alınacağına dair məlumatlarla oradan ayrılır. Sonradan isə məlum olur ki, pul “naməlum səbəblərdən” yoxa çıxıb. Elə aldığımız məlumatda bu yaxınlarda Qurbanovların da bir vətəndaşın başına belə bir oyun gətirdikləri bildirilir...

Çox Oxunanlar