Bizimlə əlaqə | Reklam
BolgeXeber.Com » Xəbərlər » «Nərmanov»da baş leytenant Səlimov «kabusu»

«Nərmanov»da baş leytenant Səlimov «kabusu»

5-05-2015, 13:07
Oxunub: 7 006 «Nərmanov»da baş leytenant Səlimov «kabusu»DYP zabiti binaların önündəki maşınları belə «oğurlatdırır»

Nərimanov metrosunun ətrafında son bir həftədir əsl «kabus» dolaşır. Daha doğrusu, metronun ətrafında yaşayan sakinlər də binalarının qarşısında maşın saxlaya bilmirlər.

Jam.az xəbər verir ki, ərazidə sürücülərin «kabusu» olan şəxs isə DYP əməkdaşı, baş leytenant Səlimovdur. Bu şəxs polis adına yaraşmayan hərəkətləri ilə diqqəti çəkməklə yanaşı, saxlatdırdığı avtomobillərin sahibləri ilə kobud davranışları ilə də yadda qalıb. Bu azmış kimi, yol kənarında, hətta binaların qarşısında saxlanılmış avtomobilləri də evekutorlara yükləyib aparmaq səlahiyyətinə malikdir.

Əldə etdiyimiz məlumata görə, baş leytenant Səlimov hətta yolun bu üzündə dayanıb, digər üzündə dayanan avtomobili fitlə saxlayır. Daha sonra, sürücüdən tələb edir ki, maşından düşüb, onun yanına gəlsin. Sonra da sənədlərə qeyri-şərtsiz cərimə yazaraq, «Get kimə istəyirsən, şikayət et. Bu ərazinin şefi mənəm» deyə bildirir.

Ərazidə yaşayan sakinlər bildirir ki, həyətlərində saxladıqları avtomobillərinin hər an «oğurlana» biləcəklərindən narahatdırlar. Çünki Səlimovun «komandası» bir göz qırpımında maşınları evekuatorlara mindirib, cərimə meydançasına apartdırır.

Məsələ ilə bağlı araşdırmamız davam edir. Qarşı tərəfin də mövqeyini dərc etməyə hazırıq.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]