BolgeXeber.Com » Xəbərlər » Biletlərin qiymətini süni şəkildə artıranlar 7000 manat cərimələnəcək- SƏRƏNCAM

Biletlərin qiymətini süni şəkildə artıranlar 7000 manat cərimələnəcək- SƏRƏNCAM

6-05-2015, 16:50

Oxunub: 4 367

Prezidenti İlham Əliyev “İnzibati Xətalar Məcəlləsində dəyişikliklər edilməsi haqqında” 2015-ci il 28 aprel tarixli qanunun tətbiqi barədə sərəncam imzalayıb

BOLGEXEBER.COM-un məlumatına görə, sərəncamdan irəli gələn vəzifələrin yerinə yetirilməsi ilə bağlı Nazirlər Kabinetinə tapşırıq verilib.İnzibati Xətalar Məcəlləsinə edilən dəyişikliyə əsasən kütləvi idman tədbirlərinə və yarışlara giriş biletlərinin saxtalaşdırılmasına görə - fiziki şəxslər 500 manat, vəzifəli şəxslər 2000 manat, hüquqi şəxslər isə 5000 manat miqdarında cərimə ediləcəklər. Biletləri müəyyən edilmiş tariflərdən yüksək qiymətə satan vəzifəli şəxslər 1500 manatdan 2000 manatadək, hüquqi şəxslər isə 5000 manatdan 7000 manatadək cərimələnəcək.
Bundan əlavə, bədən tərbiyəsi və idman obyektlərinin ərazilərində və tamaşaçılar üçün nəzərdə tutulmuş yerlərdə qadağan edilən əşyaların istifadəsinə görə fiziki şəxsləri 500 manat, vəzifəli şəxsləri 2000 manat, hüquqi şəxsləri isə 5000 manat miqdarında cərimə gözləyir.
BOLGEXEBER.COM

Çox Oxunanlar