BolgeXeber.Com » Xəbərlər » Bakıda yüz minlərlə dollarlıq “Porsche” ilə polisi əzən zəngin kimdir... FOTO

Bakıda yüz minlərlə dollarlıq “Porsche” ilə polisi əzən zəngin kimdir... FOTO

18-05-2015, 18:47

Oxunub: 4 802

Bakıda naməlum zəngin dəyəri yüz minlərlə dollar olan elit idman avtomobilində avtoxuliqanlıq edib və DYP əməkdaşlarını əvvəl əzib, sonra döyüb

BOLGEXEBER.COM xəbər verir ki,virtualaz.org saytı az əvvəl yayılan bu xəbərlə bağlı kiçik araşdırma aparıb və maraqlı detallar əldə edib.
Məlum olub ki, avtoxuliqanlıq əməlində istifadə olunan, 90 XU 555 dövlət nömrə nişanlı “PorschePanamera”nın fotoları sosial şəbəkələrdə var. Fotoların birində bu avtomobil dövlət nömrə nişanlarının sonluqları “555” rəqəmi ilə bitən “Lexus” və “Mercedes GL” markalı elit avtomobillərlə birlikdə toy karvanında görünür.

Digər fotodan isə məlum olur ki, 90 XU 555 nömrə nişanı yenə dəyəri yüz minlərlə dollar olan “Mercedes G63 AMG” avtomobilindədir.

Həmçinin 90 XU 555 nömrə nişanlı “Porsche”nin İnstagramda bir neçə fotosuna rast gəlmək mümkündür. Fotolar “Bakının 1 nömrə avtomobilləri” adı altında təqdim olunur.

Xatırladaq ki, Bakıda 10 YP 457 nömrəli avtomobillə xidmət aparan yol polisləri 90 XU 555 dövlət nömrə nişanlı “PorschePanamera”ya“Saxla!” əmri veriblər.Lakin “PorschePanamera”nın sürücüsü avtomobili saxlamaq əvəzinə ərazidən uzaqlaşmağa çalışıb.
Bundan sonra Bakının mərkəzi küçələrində əsl “qaçdı-tutdu” oyunu başlayıb. Amma “oyun” pis hadisə ilə sona çatıb. Belə ki, sürücünü saxlamağa çalışan Mirzəli adlı yol polisi xidməti avtomobilindən düşərək “PorschePanamera”nın qarşısına keçib. Bu zaman avtoxuliqan polisi vurub və onun ayağının üstündən keçib.

Bundan sonra köməyə çağırılmış 10 YP 317 və 10 YP 589 nömrəli yol polisi avtomobillərində xidmət aparan polislərin köməyi ilə “PorschePanamera”nı saxlamaq mümkün olub. Saxlanılan sürücü avtomobildən düşərək polislərlə əlbəyaxa olub, onların birinin uniformasını tamamilə cırıb. Sürücü zərəsizləşdiriləndən sonra məlum olub ki, o, sərxoş imiş.
Aznews.az-ınaraşdırmasına görə, “PorschePanamera” avtomobili Məmmədov Saqif Kamil oğlunun adınadır. O, avtomobili etibarnamə ilə Həsənov Vüsal Nizami oğluna verib. Polislə “oynayan” şəxs də elə Vüsal Həsənov olub.
Məsələ ilə bağlı əlavə məlumat əldə etmək üçün sayt DYP-nin ictimaiyyətlə əlaqələr şöbəsinin rəisi Vaqif Əsədovla əlaqə saxlayıb. Lakin V.Əsədov məzuniyyətdə olduğu üçün məsələdən xəbərsiz olduğunu və bu barədə açıqlama verə bilməyəcəyini deyib.
Bakıda yüz minlərlə dollarlıq “Porsche” ilə polisi əzən zəngin kimdir... FOTO

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]