Bizimlə əlaqə | Reklam
BolgeXeber.Com » Xəbərlər » Balakəndə zavodda yoldaşını öldürən fəhlə: “Ailəm, iki oğlum yenə başsız qaldı”

Balakəndə zavodda yoldaşını öldürən fəhlə: “Ailəm, iki oğlum yenə başsız qaldı”

5-06-2015, 10:44
Oxunub: 5 959 Balakəndə zavodda yoldaşını öldürən fəhlə: “Ailəm, iki oğlum yenə başsız qaldı”“Obşak”da təhqir olunduğunu düşünən Anar Ömərov üzərində gəzdirdiyi bıçaqla Anar Həmzətovu ürəyindən bıçaqlayıb

Ötən gün Balakən rayon kərpic zavodunda baş verən qanlı hadisənin təfərrüatları məlum olub.Zavodda işləyən fəhlələr işdən sonra oturub dincəlirmişlər. Bu zaman fəhlələr zarafatlaşmağa başlayıb.

Zarafat zamanı fəhlələrdən biri - 37 yaşlı Anar Ramazan oğlu Həmzətov 35 yaşlı Anar Məhəmməd oğlu Ömərova əl atıb.
Ona edilən əl-qol zarafatları Anar Ömərovun xoşuna gəlməyib. O, adaşına iradını bildirib. Bu zaman onların arasında mübahisə yaranıb.

“Obşak”da təhqir olunduğunu düşünən Anar Ömərov üzərində gəzdirdiyi bıçaqla Anar Həmzətovu ürəyindən bıçaqlayıb. Zərbə güclü olduğundan Anar Həmzətovun yarası da dərin və öldürücü olub. Adaşını öldürən Anar Ömərov isə hadisə yerindən qaçıb.

Lakin polislər onu tuta biliblər. Saxlanılan Anar Ömərov istintaqa törətdiyi cinayətdən çox peşman olduğunu bildirib. Bildirib ki, bir il bundan qabaq həbsdə çıxıbmış.

“Çox peşmanam. Ailəm, iki oğlum yenə başsız qaldı”, - deyə Anar Ömərov bildirib.

Qeyd edək ki, Anar Ömərov Azərbaycan Respublikası Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə məhkumluq həyatı yaşayıb.

Zarafatın qurbanı olan Anar Həmzətov da ailəli olub və iki azyaşlı oğlu var.

Faktla bağlı Balakən Rayon Prokurorluğunda cinayət işi başlanıb, araşdırma aparılır.ans
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]