BolgeXeber.Com » Xəbərlər » “Mənə xəyanət etdi”-öldürülən transseksualın qatili danışdı(FOTO)

“Mənə xəyanət etdi”-öldürülən transseksualın qatili danışdı(FOTO)

24-06-2015, 14:41

Oxunub: 8 018

Bakının Səbail rayonu, Axundov bağının yaxınlığındakı mənzildə qətlə yetirilən 1988-ci il təvəllüdlü Dəmirova Ayla Altay qızını qətlə yetirən şəxs saxlanılıb

Səbail Rayon Polis İdarəsi 9-cu Polis Bölməsinin əməkdaşlarının keçirdiyi əməliyyat zamanı 1995-ci il təvəllüdlü Əliyev Şahlar Həmid oğlu tutularaq istintaqa təqdim edilib. Onun barəsində Səbail Rayon Prokurorluğunda Cinayət Məcəlləsinin (CM) 120.1 (qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanılıb.Hadisə zamanı daha iki nəfər xəsarət aldığından, istintaqın gedişi zamanı Ş.Əliyevə CM-də nəzərdə tutulan daha ağır maddələrlə ittiham elan ediləcəyi istisna edilmir. Cinayəti törədən şəxslə qətlə yetirilən A.Dəmirova sevgili olublar. Ş.Əliyev ifadəsi zamanı A.Dəmirovanı ona dostu ilə birlikdə xəyanət etdiyinə görə qısqanclıq zəminində qətlə yetirdiyini bildirib.Qeyd edək ki, qətlə yetirilən Ayla Dəmirova keçən ay mətbuatın gündəminə avtomobil qəzası törətməsi ilə gəlib. Həmin vaxt məlum olmuşdu ki, o, əvvəllər Dəmirov Hətəmpaşa Altay oğlu olub, lakin sonradan cinsini və şəxsiyyət vəsiqəsində adını dəyişdirib.
BOLGEXEBER.COM

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]