Fazil Mustafa :“Speys”dən faydalı nəsə gözləməyin”
2-07-2015, 11:00
Oxunub: 3 704
Ancaq “Speys” televiziyasından daha faydalı nə isə gözləmək də olmaz
“Speys” telekanalında yayımlanan “Günaydın” verilişində Əziz Musaoğlu ilə müğənni Mətanət Əsədova arasında yaşanan qalmaqal mətbuatda və sosial şəbəkələrdə böyük səs-küyə səbəb olub.BOLGEXEBER.COM-un məlumatına görə, axar.az məsələ ilə bağlı bir neçə ziyalının fikrini öyrənib.
Xalq şairi, millət vəkili Sabir Rüstəmxanlı bu hadisəni xalqa hörmətsizlik kimi qiymətləndirir: “Ümumiyyətlə, efirdə bir şairin müğənniyə və ya hər hansı şəxsə ədavət bəslədiyini göstərməsi, nalayiq ifadələr işlətməsi həmin sözün təkcə bir müğənniyə deyil, həm də yüz minlərlə ailənin gözünün qarşısında baş verdiyinə görə bütün xalqa ünvanlanması deməkdir. Bu, millətə hörmətsizlikdir. İctimai qınaq olmalıdır, kim necə istəyir, o cür də danışa bilməz. Belə halların qarşısının alınması üçün kanal öz məsuliyyətini hiss etməli, o cür adamlar efirə dəvət olunmamalı, o tip aparıcılar işdən çıxarılmalıdır”.
Jurnalist İradə Tuncay bu məsələnin yayılmasında saytların rolu olduğunu qeyd edir: “Heç o verilişə baxan olmayıb. Onlar kimdirlər ki, baxılsınlar? Bunu saytlar yaydılar, demək, onlar da televiziyaların reytinqinə xidmət edir, mən belə başa düşürəm. Mən olsam, bunu heç qeyd eləməzdim, üstündən keçərdim. İndiki dövrdə belə hallarla barışıb yaşamalıyıq. Elə adamları qəsdən efirə çıxarırlar ki, o cür danışsınlar. Saytlar bu adamların məşhur olmağına xidmət etdilər. Kiməsə şair demək üçün o adamın bir misrasını bilmək lazımdır. Nə vaxt olub ki, İradə Tuncay çıxış eləyəndə saytlar bu barədə yazsın? Yazmırlar, çünki İradə Tuncay söyüş söymür. Televiziyaların, saytların bir arqumenti var: kim söyürsə, ondan yazırlar”.
Millət vəkili Fazil Mustafa isə “Speys” kanalından faydalı nəsə gözləməməyin tərəfdarıdır: “Efirdə təhqirin baş alıb getməsi xoşagələn hal deyil. Ancaq “Speys” televiziyasından daha faydalı nə isə gözləmək də olmaz. Televiziyalar insanların qarşısına kimi çıxardıqlarını bir də düşünməlidirlər ki, belə fəsadlar olmasın”.
BOLGEXEBER.COM
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər