BolgeXeber.Com » Xəbərlər » Bakı-Sumqayıt qatarına bilet neçəyə olacaq? - Açıqlama

Bakı-Sumqayıt qatarına bilet neçəyə olacaq? - Açıqlama

24-07-2015, 14:40

Oxunub: 3 340

Azərbaycan Nazirlər Kabinetinin Yol Hərəkəti Təhlükəsizliyi Komissiyasının növbəti iclası olub

İclasda Bakı-Sumqayıt-Bakı marşrutu üzrə yeni sərnişin qatarlarının istismara veriləcəyi müddət müəyyənləşib. Belə ki, qəbul edilən qərara əsasən, yeni qatar bu il sentyabrın 15-dək istismara verilməlidir.

Bəs, Bakı-Sumqayıt qatarına bilet neçəyə olacaq?

“Azərbaycan Dəmiryolları” Qapalı Səhmdar Cəmiyyətinin mətbuat xidmətinin rəhbəri Nadir Əzməmmədov AzVision.az-a açıqlamasında bildirib ki, hazırda qiymətlər müəyyən olunmayıb.

Onun sözlərinə görə, “Azərbaycan Dəmiryolları” QSC-i gediş haqqı ilə bağlı təkliflərini Tarif Şurasına göndərib: “Amma buna əlavələr də olunacaq. Bundan sonra Tarif Şurası hansı qərarı verəcəksə, gediş haqqı o zaman bəlli olacaq”.

Qeyd edək ki, İsveçrənin “Stadler Rail Group” şirkətinin istehsalı olan KİSS markalı ikimərtəbəli elektrik qatarının ümumi sərnişin tutumu 919 nəfərdir. Bütün müasir tələblərə cavab verən yeni qatarlarda sərnişinlərin rahatlığı üçün həb bir şərait yaradılıb.
Bolgexeber.com

Çox Oxunanlar