BolgeXeber.Com » Xəbərlər » Mingəçevir teatrında direktorun katibəsi necə hökmranlıq edir? İlginc təfərrüat — FOTOLAR

Mingəçevir teatrında direktorun katibəsi necə hökmranlıq edir? İlginc təfərrüat — FOTOLAR

1-08-2015, 13:29

Oxunub: 5 523

Teatr əməkdaşlıarı bildirirlər ki, E.Məmmədov həmin vaxt aktrisa Afət Əliyevaya 3 min, əməkdar artist Ella Yaqubovaya 800, aktyor Asim Məmmədova isə min manat borclu olubSon günlər teatrlar ölkə mətbuatının əsas müzakirə mövzudur. "Azdrama"nın ardınca daha bir mədəniyyət ocağında- Mingəçevir Dövlət Dram Teatrında yaradıcı heyət rəhbərlikdən ciddi şəkildə narazıdır. Onlardan bir qrupu teatr daxilində baş verənlərlə bağlı Ölkə.Az-a ilginc hesab olunacaq məlumatlar veriblər.

Bildirilir ki, teatrın truppa müdiri Elşən Məmmədov iki ay öncə direktor Səxavət Məmmədovun qəzəbinə tuş gəlib. Buna səbəb Elşən Məmmədovun külli miqdarda borcunun olması imiş:

"Elşən Məmmədov həm teatrda, həm də teatrdan kənar digər sələmçilərə borcludur. Borc sahibləri tez-tez teatra gəlir, E.Məmmədovla dalaşırdılar. Səxavət Məmmədov məhz buna görə E.Məmmədovu işdən uzaqlaşdırmaq istədi və may ayına onu öz hesabına məzuniyyətə göndərdi".

Teatr əməkdaşlıarı bildirirlər ki, E.Məmmədov həmin vaxt aktrisa Afət Əliyevaya 3 min, əməkdar artist Ella Yaqubovaya 800, aktyor Asim Məmmədova isə min manat borclu olub. Məzuniyyətdən bir neçə gün öncə Ella Yaqubovaya olan borcunun 600, Afət Əliyevaya borcunun isə 1500 manatını qaytarıb. Ancaq truppa müdirinin borcları təkcə bununla bitmir. O, ümumilikdə 20-30 min borcludur. İddia edilir ki, bu borclara "səbəb" teatrın hazırki səhnə rəisi Könül Hacıyevadır. Yeri gəlmişkən, K.Hacıyeva da E.Məmmədovun borclu olduqları sırasındadır.

Qeyd olunur ki, hazırda teatrda Könül Hacıyeva "aparıcı qüvvə" və direktora ən yaxın şəxs hesab olunur. Deyilənlərə görə, direktor Səxavət Məmmədovun Atəş adlı sürücüsüylə dost olan Hacıyeva mədəniyyət ocağının daxilində öz "qaydalarını" tətbiq etməkdədir. Teatrın direktoru Səxavət Məmmədovun Mətanət adlı katibəsi də "hegemonlar" sırasında göstərilir.

Araşdırmalarımızı davam etdirəcəyik.

Mövzu ilə bağlı adı hallanan şəxslərin mövqeyini də dərc etməyə hazırıq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]