BolgeXeber.Com » Xəbərlər » Lamiyə övladının atasını dəqiqləşdirdi - Foto

Lamiyə övladının atasını dəqiqləşdirdi - Foto

3-08-2015, 17:14

Oxunub: 4 200 Lamiyə övladının atasını dəqiqləşdirdi - Foto

“Jurnalistlər sağ olsunlar ki, həbsdən çıxmağıma dəstək verdilər, məni müdafiə etdilər. Ancaq indi övladımı düşünürəm, onun təlim-tərbiyəsi ilə məşğulam və belə məlumatlar həyatıma mane olur”

Mən heç bir sayta deməmişəm ki, övladımın şəhadətnaməsinə atasının adı kimi keçmiş nişanlım Vüqar Əliyevin adını yazdırmışam. Şəhadətnamədə oğlumun atası Elnur Rəsulov qeyd olunub. Başqa kim olmalıdır? Adımdan yalan xəbərlər yaymaqla məni narahat etməsinlər.

Bu sözləri Axar.az-a həbsdə ana olması ilə gündəmə gələn keçmiş məhbus Lamiyə Quliyeva deyib. Onun sözlərinə görə, barəsində yerli-yersiz məlumatlar dərc olunur:

“Məndən Modern.az saytının əməkdaşı müsahibə götürüb və orada da belə bir ifadə işlətməmişəm. Sonra saytla əlaqə saxlayıb düzəliş olunmasını xahiş etdim. Ancaq düzəliş etmədilər”.

Lamiyə sosial şəbəkələrdən istifadə etmədiyini də deyib: “Jurnalistlər sağ olsunlar ki, həbsdən çıxmağıma dəstək verdilər, məni müdafiə etdilər. Ancaq indi övladımı düşünürəm, onun təlim-tərbiyəsi ilə məşğulam və belə məlumatlar həyatıma mane olur”.

Lamiyə Quliyeva sözlərinin təsdiqi kimi övladının doğum şəhadətnaməsi və şəxsiyyət vəsiqəsinin surətini də redaksiyaya təqdim edib.

Lamiyə Quliyeva və keçmiş nişanlısı Vüqar Əliyev 2003-cü ilin mayında Şəmkir rayonunun sabiq icra başçısı Aslan Aslanovun oğlu Ruslanı qətlə yetirməkdə təqsirləndiriliblər. Hazırda Vüqar Əliyev Qobustan həbsxanasında cəza çəkir.

Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]