Bizimlə əlaqə | Reklam
BolgeXeber.Com » Xəbərlər » Qazaxda saxta sənəd qalmaqalı - Məhkəməyə şok ittiham

Qazaxda saxta sənəd qalmaqalı - Məhkəməyə şok ittiham

7-08-2015, 17:19
Oxunub: 4 906 Qazaxda saxta sənəd qalmaqalı - Məhkəməyə şok ittihamRayonda Şahmat məktəbinin müdiri olan Tahir Novruzov saxta sənədlərlə Güllü Novruzovaya məxsus kiçik müəssisənin ərazisini ələ keçirib

Qazax rayonunun Çaylı kənd sakini Novruzova Güllü Haqverdi qızı Arqument.az-a yazır ki, 1989-cu ildə ozamankı Rayon İcraiyyə Komitəsinin sərəncamı ilə kiçik müəssisə yaradıb. Rəsmi sənədlərlə götürdüyü ərazidə restoran tikib, balıq yetişdirmək üçün göl yaradıb.

Güllü Novruzova həyat yoldaşı Abbas Novruzov ilə birgə həmin ərazidəki "Gölabbas”da "Qızıl Balıq” kooperativi yaradıb və uzun illər fəaliyyət göstəriblər. Erməni işğalçılarının açdığı atəş nəticəsində Novruzovların müəssisəsinə xeyli ziyan dəyib. Amma onlara ən böyük ziyan qonşuluqda yerləşən Ət Kombinatının sahibi Tahir Novruzovdan dəyib.

Rayonda Şahmat məktəbinin müdiri olan Tahir Novruzov saxta sənədlərlə Güllü Novruzovaya məxsus kiçik müəssisənin ərazisini ələ keçirib. Sonda mübahisəyə baxan Qazax Rayon Məhkəməsi Tahir Novruzovun "əlinə baxaraq” qanunsuz qərar qəbul edib.

Hazırda hər iki tərəf arasında münaqişə davam edir. Tahir Novruzov ərazinin həqiqi sahibi olan Güllü Novruzovanı qanuni obyektinə buraxmır. Hətta Güllü Novruzovanın nəvəsinə deyir ki, sənin başını kəsib gölə ataram.

Güllü Novruzova yazır ki, Tahir Novruzovun qardaşı Nemət Novruzov qəzetlərin birində müxbir işlədiyi üçün mənim səsimin ictimaiyyətə çatmasına imkan vermir.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]