Bizimlə əlaqə | Reklam
BolgeXeber.Com » Xəbərlər » Ballar nə qədər düşdü? – RƏSMİ AÇIQLAMA

Ballar nə qədər düşdü? – RƏSMİ AÇIQLAMA

8-08-2015, 10:46
Oxunub: 5 722 Ballar nə qədər düşdü? – RƏSMİ AÇIQLAMA2014-2015-ci tədris ili üçün ali və orta ixtisas məktəblərinə qəbul imtahanları artıq yekunlaşıb

Cari ilin məzunları üçün ll və lll ixtisas qrupları üzrə iyulun 14-də, l və lV ixtisas qrupları üzrə iyulun 25-də keçirilən imtahanlarının nəticələri bəllidir. Artıq ixtisas seçiminə də start verilib. İxtisas seçimi iyulun 30-dan avqustun 11-dək internet vasitəsilə aparılacaq.

"İxtisas seçimi üçün keçid ballarında heç bir dəyişiklik edilməyib".
Bolgexeber.com atv.az-a istinadən bildirir ki, bu barədə Tələbə Qəbulu üzrə Dövlət Komissiyasının Mətbuat xidmətinin rəhbəri Elnur Nağızadə bildirib.

Onun sözlərinə görə, keçən ilə nisbətdə, bu il ballar artırılmayıb, sadəcə keçən il nəticələr zəif olduğuna görə, ixtisas seçimi üçün keçid ballar 200-dən 150-yə endirilib.

"Bütün qruplar üzrə ixtisas seçimində ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər. Dövlət sifarişi əsasında ayrılmış yerlərin ixtisas seçimində isə, I və IV qruplar üzrə ümumi balı 250-dən və hər bir imtahan fənni üzrə ayrılıqda topladığı nisbi balı 10-dan az olmayan abituriyentlər, II və III qruplar üzrə ümumi balı 300-dən və hər bir imtahan fənni üzrə ayrılıqda topladığı nisbi balı 10-dan az olmayan abituriyentlər iştirak edə bilərlər".

Elnur Nağızadə eyni zamanda bildirib ki, nisbi bal məhdudiyyəti yoxdur. "Əgər abituriyent bir neçə fəndən nisbi balı keçə bilməyibsə və 350-dən çox bal toplayıbsa, o, müsabiqədə iştirak edə biləcək. Sadəcə dövlət sifarışı üzrə verilən yerləri seçə bilməyəcək".

Qeyd edək ki, abituriyentlər avqustun 11-dək qəbul olmaq istədikləri ixtisasları seçib onların kodlarını www.eservices.tqdk.gov.az/erizebak/ixtisas1 internet ünvanında yerləşən "Abituriyentin elektron ixtisas seçimi ərizəsi"nə daxil edib təsdiq etməlidirlər.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]