BolgeXeber.Com » Xəbərlər » Etibar Pirverdiyevin tikdirdiyi otel əlindən alındı-FOTO

Etibar Pirverdiyevin tikdirdiyi otel əlindən alındı-FOTO

14-08-2015, 10:26

Oxunub: 6 258 Etibar Pirverdiyevin tikdirdiyi otel əlindən alındı-FOTO

"Azərenerji" Açıq Səhmdar Cəmiyyətinin (ASC) sədri Etibar Pirverdiyevin daha bir obyektində işlər dayandırılıb

Aznews.az-ın məlumatına görə, onun Quba rayonu, Xınalıq yolunun üstündə məşhur “Qalaaltı” adlanan ərazidə (Küsnətqazma kəndi) inşa etdirdiyi nəhəng otel kompleksinin tikintisi yarımçıq saxlanılıb.

Ərazidə yaşayanların sözlərinə görə, obyekt sahibi vəzifəsini itirəndən bir müddət sonra əraziyə giriş bağlanıb, inşaat işlərinə son verilib: “Burada işlər çox sürətlə aparılırdı. Otel kompleksinin tez ərsəyə gəlməsi üçün bir neçə briqada çalışırdı. Lakin Etibar Pirverdiyev vəzifəsini itirəndən sonra işlər tamamilə dayandırıldı. Artıq xeyli müddət idi ki, burada heç kim olmurdu. Son günlər isə əvvəllər burada görmədiyimiz, tanımadığımz insanlar baxış keçirirlər. Deyilənə görə, otel başqasının əlinə keçib”.

Qeyd edək ki, E. Pirverdiyevin müxtəlif rayonlarda otel və restoran şəbəkələri olub. Əslən Qusar rayonundan olan keçmiş ASC sədri özünün biznes imperiyasını əsasən şimal rayonlarında, xüsusən Qubada cəmləşdirmişdi.

Adı vəzifə səlahiyyətlərini aşmaqda, ciddi korrupsioner əməllərdə hallanan Pirverdiyevin səlahiyyətləri cari ilin fevralında Prezidentin “Bakıelektrikşəbəkə”nin adının dəyişdirilməsiylə bağlı imzaladığı sərəncamdan sonra əlindən alınıb.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]