BolgeXeber.Com » Xəbərlər » Diqqət: “Metrokart”ların müddəti saat 24:00-da bitir

Diqqət: “Metrokart”ların müddəti saat 24:00-da bitir

15-08-2015, 15:59
Oxunub: 1 003 Diqqət: “Metrokart”ların müddəti saat 24:00-da bitirSərnişinlərin çoxsaylı müraciətlərini nəzərə alaraq "Bakı Metropoliteni" QSC bir daha bəyan edir ki, mövcud metro kartlarının geri qaytarılması (girov dəyərinin geri alınması məqsədilə) və satışı avqustun 15-i gecə saat 24:00-dan etibarən dayandırılacaq

“Bakı metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayevin APA-ya verdiyi məlumata görə, avqust ayının 31-nə kimi metro kartlarının girov dəyərinin həmin karta yüklənməsi, eləcə də yeni gediş haqqı yüklənməsi əməliyyatları davam edəcək.

1 sentyabrdan 30 sentyabra qədər mövcud metro kartlarından sadəcə balansında olan gediş haqqından istifadə etmək mümkün olacaq.

“Yəni gediş haqqı yüklənməyəcək, depozit dəyəri geri qaytarılmayacaq. Metro kartının depozit dəyəri və balansı isə 30 sentyabra qədər yeni alınan “Bakıkart”a transfer edilə bilər. Xahiş olunur nəzərə alasınız” -deyə N.Paşayev vurğulayıb.