BolgeXeber.Com » Xəbərlər » Qələm satan qaçqına yardım yağışı - 126 min dollar

Qələm satan qaçqına yardım yağışı - 126 min dollar

31-08-2015, 14:57

Oxunub: 1 234

Livanın paytaxtı Beyrutda, küçədə qucağındakı uşağı ilə birlikdə qələm satan Suriyalının şəkli internetdə sürətlə yayılaraq yardım kampaniyasına səbəb olub

"Conflict News" saytının İslandiyalı sahibi Gissur Simonarsonun Twitterdə paylaşdığı fotolar qısa müddətdə dünyanın hər bir yerindən yardım təklifləri alıb.

Beyrutda qucağında yatan dörd yaşlı qızı Reem ilə qələm satmağa çalışan iki uşaq sahibi Abdülhalim adlı Suriyalı qaçqınının köməyinə minlərlə insan qoşulub. Bundan sonra, yardım təşəbbüsçüləri bu ailəni axtarıblar.

Fələstindən Suriyaya gələn ailənin, Yermuk şəhərciyindən qaldığı, sonra da Beyruta keçdiyi məlum olub. Bir neçə gün davam edən axtarış sonrası Abdülhalim və ailəsi tapılaraq yığılan 126 min dollar ianə onlara çatdırılıb.

İnternet üzərindən 5 min dollar ianə toplamağı hədəfləyən layihəyə 24 saatda təxminən 70 min dollar ianə yağdı. İki günün sonunda isə 4 min 65 nəfər, cəmi 126 min dollar ianə bağışlayıb.

Simonarson bu addımdan razı qaldığını, Abdülhalimin ianələrlə uşaqlarını məktəbə göndərəcəyini və digər Suriyalı ailələrə yardım edəcəyini deyib.

Çox Oxunanlar