Bizimlə əlaqə | Reklam
BolgeXeber.Com » Xəbərlər » Şabranın keçmiş VTEK sədrinin dəhşətli faciəsi

Şabranın keçmiş VTEK sədrinin dəhşətli faciəsi

1-09-2015, 10:18
Oxunub: 5 774 Şabranın keçmiş VTEK sədrinin dəhşətli faciəsi2013-cü ilin fevralında həbs edilən Şabran Tibbi Sosial Ekspert Komissiyasının (VTEK) sədri İmran Məmmədovun ailəsində daha bir dəhşətli faciə baş verib

Tia.az-a verilən məlumata görə, xidməti kabinetində qandallanan rüşvətxor məmurun övladı Mətin Məmmədov bu gün dünyasını dəyişib. O, bildirildiyinə görə, narkomaniyadan əziyyət çəkirmiş.
Bu ilin yanvarında isə məhbus VTEK sədrinin həyat yoldaşı uzun sürən ağır xəstəlikdən sonra vəfat edib. Buna qədər bir övladı Kamran Məmmədov da yol qəzasında həyatını itirib.
Qobustan rayon prokurorunun köməkçisi vəzifəsində işləmiş digər oğlu Həsən Məmmədov isə 2008-ci ildə Ağır Cinayətlərə dair İşlər Üzrə Məhkəmənin hökmünə əsasən, 9 il müddətinə azadlıqdan məhrum edilmişdi. O, narkotik ittihamı ilə həbs olunub.
İ.Məmmədov isə Quba, Qusar, Xaçmaz, Şabran rayonlarında pensiyaların verilməsinə nəzarət edirdi. O, Şabranın Mərkəzi Xəstəxanasında 3500 manat rüşvət alarkən həbs olunub. Axtarış zamanı İmran Məmmədovun evindən 15 min manat çıxıb. Əməliyyat Korrupsiyaya Qarşı Mübarizə İdarəsi tərəfindən keçirilib.
Xatırladaq ki, son 2 ildən artıq müddətdə Əmək və Əhalinin Sosial Müdafiəsi naziri olmuş Füzuli Ələkbərovun istefasından sonra xeyli sayda işçisi, xüsusilə Tibbi Sosial Ekspert Komissiyasının sədrləri rüşvət ittihamı ilə həbs edilib.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]