BolgeXeber.Com » Xəbərlər » Gəncə Dövlət Universitetinin rektoru niyə işə çıxmır?

Gəncə Dövlət Universitetinin rektoru niyə işə çıxmır?

4-09-2015, 12:33
Oxunub: 2 223 Gəncə Dövlət Universitetinin rektoru niyə işə çıxmır?Gəncə Dövlət Universitetininin rektoru Yusif Yusifov yeni dərs ilinin başlanmasına baxmayaraq hələ də işə çıxmır

Aldığımız məlumata əsasən bir müddət əvvəl səhhətindəki problemləri bəhanə edərək xarici ölkələrdən birinə qaçmış rektor yoxlamalardan yayınmaq istəyib. Bu ali təhsil ocağında aparılan yoxlamaların nəticələri açıqlandıqda bəlli olub ki, əslində GDU-da tələbələrin adlarına banklardan kredit götürülüb. Birbaşa təhsil naziri Mikayıl Cabbarovun nəzarəti altında aparılan yoxlamalardan sonra rektora Azərbaycana qayıtmaqla bağlı zəmanət verildi.

GUNDEMİNFO.AZ-a bilgi verən mənbə deyir ki, Yusif Yusifov Azərbaycana qaydandan sonra həbs edilməmək üçün ən yüksək çinli məmurların qapısına minnətçi düşüb. Hələlik həbsdən canını qurtara bilən rektor nədənsə, bu günlərdə işə çıxmır. Məlumat verən bildirir ki, Yusif Yusifov birbaşa nazirin adına ərizə yazaraq istpefa vermək istəyib. Lakin Mikayıl Cabbarov bu istefanı qəbul etməyib. Məsələ burasındadır ki, GDU-da aparılan yoxlamalar sonuclanmayıb.

Məhz Yusif Yusifov da sonucların heç də onun xeyrinə olmayacağından duyuq düşərək yenidən müalicə adı ilə xarici ölkələrdən birinə yollanıb. Bu xəbərlərlə bağlı olaraq araşdırmalarımız davam edir. Qarşı tərəfin də mövqeyini dinləməyə hazırıq.
Bolgexeber.com