BolgeXeber.Com » Xəbərlər » BİABIRÇILIQ: miqrantlarla heyvan kimi davrandılar - VİDEO

BİABIRÇILIQ: miqrantlarla heyvan kimi davrandılar - VİDEO

12-09-2015, 12:05

Oxunub: 3 119 BİABIRÇILIQ: miqrantlarla heyvan kimi davrandılar - VİDEO

Avstriyalı siyasətçi Aleksander Spritssendorfer Macarıstanın Reske qəsəbəsindəki qaçqın düşərgəsində yaşanana biabırçılığın videosunu yayıb

Reuters-in bildirdiyinə görə, videonu siyasətçinin xanımı Mixaela Spritssendrfer-Erenhaus çəkib.
Videoda Reskedəki düşərgəni qoruyan polislərin miqrant dəstəsinə yemək tulladıqları görünür.
"Xanımım xeyriyyə missiyasının çərçivəsində miqrantlar üçün düşərgəyə ərzaq və gündəlik tələbat malları aparan qrupun tərkibində idi. Orada yaşananlar biabırçılıq, rüsvayçılıqdı", - avstriyalı siyasətçi YouTube-dakı kanalında yazıb.
Macarıstan hökumətinin mətbuat katibi Zoltan Kovaç videonu şərh edərkən bildirib ki, Reskedəki polislər, sadəcə, vəzifələrini yerinə yetirməyə çalışıblar: "Onları anlamaq istəməyən və göstərişləri yerinə yetirməyə can atmayan 23 min miqrantın qayğısına qalmaq üçün aylarla işləyən, vəzifə səlahiyyətlərini yerinə yetirən polisləri görürəm. Polislər hətta yemək almaq üçün növbəyə durmaq istəyən insanlar arasında qayda yaratmağa çalışırlar".
Avropa mediası isə olayı "miqrantlarla heyvan kimi davranış" kimi dəyərləndirib.
Avropa Birliyi ölkələrinə yollanan miqrantlar Macarıstanla Serbiya sərhəbindəki Reske düşərgəsindən keçirlər.
Macarıstanın hakimiyyət dairələrinin verdikləri məlumata görə, 2015-ci ilin əvvəlindən bəri ölkə ərazisinə 170 min miqrant daxil olub.
Rəsmi Budapeşt bildirir ki, miqrant axınının öhdəsindən gələ bilmir, Avropa Birliyinin digər ölkələri isə əsla yardım etmirlər.

Çox Oxunanlar