BolgeXeber.Com » Xəbərlər » XİN saytına “əl gəzdirib” bütün izləri sildi

XİN saytına “əl gəzdirib” bütün izləri sildi

14-09-2015, 17:25

Oxunub: 4 902 XİN saytına “əl gəzdirib” bütün izləri sildi

Xarici İşlər Nazirliyi Azərbaycanın bütün səfirliklərinin əməkdaşlarının adını özünün rəsmi saytından silib

Virtualaz.org saytı xəbər verir ki, buna səbəb ötən şənbə günü baş vermiş hadisədir.Xəbər verdiyimiz kimi, sentyabrın 12-də Azərbaycan XİN-in sayca 4-cü əməkdaşı - Azərbaycanın Niderlanddakı səfirliyinin attaşesi Nahid Cəfərov ölkəyə qayıtmaqdan imtina edərək xaricdən sığınacaq istəyib.
Bu məlumat yayılandan sonra XİN bəyan etdi ki, nazirliyin Nahid Muxtar oğlu Cəfərov adlı əməkdaşı yoxdur.
Lakin virtualaz.org saytının müxbirləri asanlıqla üzə çıxardılar ki, XİN-in Nahid Cəfərov adlı əməkdaşı var və onun adı XİN-in rəsmi saytında Niderlanddakı səfirliyin attaşesi kimi qeyd olunub.
Bu gün isə XİN-in saytının müvafiq bölməsindəki bütün məlumatlar tələm-tələsik silinib. İndi saytda xaricdə fəaliyyət göstərən azərbaycanlı diplomatların adına rast gəlinmir.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]