Bizimlə əlaqə | Reklam
BolgeXeber.Com » Xəbərlər » Azərbaycanda "möcüzə": Bu kəndin sakinləri 4 sinifdən artıq oxuya bilmirlər..

Azərbaycanda "möcüzə": Bu kəndin sakinləri 4 sinifdən artıq oxuya bilmirlər..

1-10-2015, 17:41
Oxunub: 4 352 Azərbaycanda "möcüzə": Bu kəndin sakinləri 4 sinifdən artıq oxuya bilmirlər.."Camaat Marsda həyat axtarır, biz kəndimizdə həyat əlaməti görmürük"

Təhsil millətin gələcəyə olan inamıdır. Yəni təhsili olmayan millət məhvə məhkumdur ki, bu gün total savadsızlığın, elmsizliyin hökm sürdüyü çillətlərin hansı aqibəti yaşadığını görməkdəyik.

Necə ki, fərd cahilliyi səbəbindən xoş günə tamarzıdır, eləcə də bilgisiz toplumlar da eyni qaydada firavan həyat anlayışından uzaqdadırlar.

Azərbaycan isə bu sarıdan problemli olmasa da, Azərbaycanın elə yerləri var ki, bu gün maariflənmə problemini hiss edirlər.

Dia.az-a müraciət edən Yevlax rayonun Bəydilli kəndinin sakinləri də kütləvi savadsızlıqdan giley edirlər.

Onlar yazır: "Hansı zəmanədə yaşayırıq, anlaya bilmirik. Camaat Marsda həyat axtarır, biz Bəydilli kəndində həyat əlaməti görmürük. Çünki kənddə kütləvi savadsızlıq baş alıb gedir".

Bunu dia.az-a müraciətlərində məktəbsizlik problemi ilə izah edən Bəydilli sakinləri bildirir ki, kəndlərində 4 siniflik orta məktəb var: "Yəni uşaqlarımız 4-cü sinifə qədər oxumaq imkanına malikdir. Kimin imkanı varsa, övladını ya qonşu kəndə, ya da Mingəçevirə oxumağa yollayır ki, övladı tam orta təhsil ala bilsin. Əksəriyyətin isə imkanı yoxdur. Ona görə də bizim kənddə tam orta təhsili olanlara alim kimi baxırlar".

Bununla bağlı yerli icra orqanlarına, həm də təhsil nazirliyinə müraciət etdiklərini deyən kənd sakinləri problemlərinin həlli üçün dövlət rəhbərliyindən kömək umurlar.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]