BolgeXeber.Com » Xəbərlər » Mikayıl Cabbarov Zərdab Təhsil Şöbəsini yenidən yoxlatdıracaq

Mikayıl Cabbarov Zərdab Təhsil Şöbəsini yenidən yoxlatdıracaq

7-10-2015, 16:27

Oxunub: 6 283

Təhsil naziri Mikayıl Cabbarov Zərdab Rayon Təhsil Şöbəsinə yenidən yoxlama göndərəcək

Bu barədə aznews.az-a açıqlamasında 1 saylı məktəb-liseyin riyaziyyat müəllimi Yaşar İskəndərli məlumat verib

Onun sözlərinə görə, nazir bu barədə oktyabrın 2-də Ucar şəhərindəki Heydər Əliyev Mərkəzində Ucar, Zərdab, Göyçay və Ağcabədi rayon sakinlərini qəbul edərkən deyib. Belə ki, nazirin bu qərarı verməsinə səbəb Y.İskəndərlinin Təhsil Şöbəsindən şikayət etməsi olub: “1 saylı məktəb-liseyin riyaziyyat müəllimi işləyirdim. 65 yaşım tamam olduğu üçün məni işdən azad etdilər. Mənimlə müqavilə bağlamaqdan imtina edildiyi üçün şikayət etdim. Rayonda 65 yaşdan yuxarı olan ən azı 10 nəfər riyaziyyat müəllimi var. Lakin onlarla müqavilə bağlanılıb, amma mənə çatanda “yox” deyiblər. Mən də bunu görüşdə təhsil naziri Mikayıl Cabbarovun diqqətinə çatdırdım”.

Y.İskəndərli vurğulayıb ki, təhsil naziri elə görüşdə ikən Zərdab Rayon Təhsil Şöbəsinin müdiri Baba Babayevdən bu faktların nə dərəcədə doğru olub-olmamağı ilə bağlı maraqlanıb: “Cənab nazir Baba Babayevdən dediklərimin nə dərəcədə doğru olub-olmadığını soruşduş B.Babayev sözlərimi təsdiqlədi. Hətta nazir qəzəblənərək “Deməli biz rayonu yoxlayıb gələn kimi onlar yenə öz bildiklərinə davam edirlər” dedi və Zərdab Rayon Təhsil Şöbəsinə yenidən yoxlama göndərəcəklərini bildirdi”.

Xatırladaq ki, aprel ayında Təhsil Nazirliyi tərəfindən Zərdab Rayon Təhsil Şöbəsində yoxlama aparılıb. Həmin yoxlamanın nəticələrinə görə, Zərdab rayonunda 3 orta məktəb direktoru və bir inspektor tutduğu vəzifədən kənarlaşdırılıb.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]