BolgeXeber.Com » Xəbərlər » İqbal Məmmədova görə prezidentə MÜRACİƏT

İqbal Məmmədova görə prezidentə MÜRACİƏT

9-10-2015, 13:49

Oxunub: 3 261 İqbal Məmmədova görə prezidentə MÜRACİƏT

Lerik rayonunda 78 saylı Lerik-Masallı seçki dairəsində vəziyyət çox gərgindir

Lerikdən millət vəkili olan İqbal Məmmədov uzun illərdən sonra rayonda nəhayət ki görünüb. Amma özü yox adı. Bu görünmə də vətəndaşlara baha başa gəlib. Bəlli olub ki, İ.Məmmədov «Relax» istirahət mərkəzindən, «Piran» Broylerdən sonra bir qədər də zəngin olmaq istəyir. GUNDEMİNFO.AZ-a məlumat verən Lerik sakinləri deyirlər ki, Lənkəran-Lerik yolu məhz İqbal Məmmədovun sonuncu «görünməsi» ilə bərbad hala düşüb. Lerikdən olan sakinlər iddia edirlər ki, deputat İqbal Məmmədov biznesini bir qədər də genişləndirmək məqsədilə rayon ərazisində özünə mineral sular istehsal edən zavod inşa etdirir.

Bu səbəbdən də iki aydır ki, iri yük maşınları Lənkəran-Lerik yolunda hərəkət edir və yolu bərbad hala salırlar. 108 seçki məntəqəsi olan Lerikin bu dairəsindən olan seçicilər deputatları ilə görüşmək üçün dəfələrlə cəhd etmələrinə baxmayaraq buna nail ola bilmirlər. Rayon mərkəzindən 10 kilometr aralıda yerləşən kəndlərdə içməli su, qaz, elektrik enerjisi olmaması səbəbindən şikayətlərini ünvanlayacaq yer tapa bilməyən kənd sakinləri dövlət başçısına da narazılıq məktubu yollamağa hazırlaşırlar.

Onlar rayonun deputatının öz məqsədləri üçün şəxsi biznesini genişləndirməkdən başqa bir iş görmədiyini deyirlər.
Yazılanlarla bağlı qarşı tərəfin də mövqeyini dinləməyə hazırıq.
Bolgexeber.com

Çox Oxunanlar