BolgeXeber.Com » Xəbərlər » Tərtərli gənclər nikah mərasimlərini Heydər Əliyev Mərkəzində keçiriblər-FOTO

Tərtərli gənclər nikah mərasimlərini Heydər Əliyev Mərkəzində keçiriblər-FOTO

12-10-2015, 19:13

Oxunub: 1 478

Heydər Əliyev Mərkəzində yeni ailə quran gənclərin nikah mərasiminin keçirilməsi artıq bir ənənə halını alıb

Bolgexeber.com xəbər verir ki, oktyabrın 12-də Tərtər şəhər sakini Allahverdiyev Samir Kamil oğlu ilə, İsmayılbəyli kənd sakini Səfərova Samirə Rəsul qızının nikah mərasimi keçirilib. Yeni ailə quran gənclər öz doğmaları ilə birlikdə əvvəlcə ulu öndər Heydər Əliyevin xatirəsini yad edərək, mərkəzdəki büstünün önünə gül-çiçək dəstələri qoyublar.

Mərasim iştirakçıları ölkəmizdə gənc ailələrə göstərilən dövlət qayğısından söhbət açmış, yeni ailə quran cütlüyə xoş arzularını bildiriblər.
Sonra mərkəzin geniş və yaraşıqlı foyesində nikah aktının imzalanması mərasimi olub. Çıxış edənlər bəylə gəlini həyatlarında baş verən bu əlamətdar və unudulmaz hadisə münasibətilə təbrik edib, onlara ailə səadəti arzulayıblar.
Yeni ailə quranlar və onların doğmaları bu günün onların həyatında əlamətdar hadisə olduğunu və nikah mərasiminin Heydər Əliyev Mərkəzində keçirilməsini həyatlarının ən xoş anları kimi xatırlayacaqlarını vurğulamış və dövlətimizin başçısına minnətdarlıqlarını bildiriblər.
Sonda yeni ailə quran gənclərə rayon icra hakimiyyəti tərəfindən qiymətli hədiyyələr təqdim olunub.
Tərtərli gənclər nikah mərasimlərini Heydər Əliyev Mərkəzində keçiriblər-FOTO

Çox Oxunanlar