BolgeXeber.Com » Xəbərlər » “Bəzi müəllimlərin açıq-saçıq geyimi şagirdlərə mənfi təsir göstərir"

“Bəzi müəllimlərin açıq-saçıq geyimi şagirdlərə mənfi təsir göstərir"

13-10-2015, 09:50

Oxunub: 5 157

“Bəzi müəllimlərin xarici görünüşü şagirdlərdə yanlış təsəvvür, zövqsüzlük yaradır. Bu müəllimlər açıq-saçıq, "təhsil və tərbiyə ocağı" adlanan məktəbə qətiyyən uyğun olmayan geyimləri, aşırı bər-bəzəkləri və davranışları ilə şagirdlərə mənfi təsir göstərirlər”

Bunu Bakı Şəhəri üzrə Təhsil İdarəsinin müdir müavini Məhəbbət Vəliyeva “Azərbaycan müəllimi” qəzetinə açıqlamasında deyib.

O bildirib ki, belələrinin arasında çox səriştəli, peşəsinin vurğunu, yüksək elmi savada malik müəllimlərə də rast gəlmək olar: “Lakin geyim tərzi və ümumilikdə xarici görünüş hər şey demək deyilsə də qeyd etdiyim bir çox faktorları güclü səciyyələndirir. Bu zaman müəllimin davranışının, danışığının, jest və mimikasının, maneralarının onun xarici görünüşü ilə vəhdət təşkil etdiyini unutmaq olmaz”.

M.Vəliyeva qeyd edib ki, müəllimlərin vahid forma geyinməsinin tərəfdarı deyil: “Müəllimlərin görünüşündə açıq-saçıqlıq, hədsiz rəngarənglik, yersiz makiyaj, uzun saqqal və sair kimi amillər yolverilməzdir. Nəzərə çatdırım ki, təhsil nazirinin 16 may, 2014-cü il tarixli, 600 saylı əmri ilə "Müəllimlərin etik davranış qaydaları" təsdiq olunub. Bu və digər məsələlər həmin qaydalarda öz əksini tapıb. Müəllimlərin bu qaydaları oxumaları və oradakı tələblərə əməl etmələri çox vacibdir”.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]