BolgeXeber.Com » Xəbərlər » 2 milyondan çox azərbaycanlının banklara borcu var

2 milyondan çox azərbaycanlının banklara borcu var

13-10-2015, 14:10

Oxunub: 899 2 milyondan çox azərbaycanlının banklara borcu var

Azərbaycan Mərkəzi Bankı yanında Mərkəzləşdirilmiş Kredit Reyestri Xidmətinin məlumatına görə, 2015-ci ilin sentyabrın 1-nə Azərbaycanda 2 milyon 488 min nəfər borcalan (kredit borcu olanlar-red.) qeydə alınıb

Bu da 2015-ci ilin yanvar ayının 1-i ilə müqayisədə 171 min 760 nəfər çoxdur.AMB xəbər verir ki, cari ilin avqustun yekunlarına görə, xidmətin bazasında Azərbaycan vətəndaşlarına verilmiş 10 milyon 280 mindən çox kredit haqqında informasiyalar saxlanılır.
AMB-nin məlumatında həmçinin bildirilir ki, sentyabrın 1-nə olan məlumata görə, xidmətə 279 min sorğu daxil olub ki, sorğuların 95%-dən yuxarı hissəsi banklar tərəfindən edilib.
Bundan başqa, qeyd edək ki, 2013-cü ildə Azərbaycanda 1 milyon 952 min borcalan, 2012-ci ildə 1 milyon 540 min borcalan qeydə alınıb.
Onu da qeyd edək ki, cari ilin avqustun nəticələrinə görə, zamin şəxslərin sayı son bir ayda 1618 nəfər artaraq 1 milyon 159 min nəfər təşkil edib.
Sonda məlumat üçün bildirək ki, Mərkəzləşdirilmiş Kredit Reyestri (MKR) 2005-ci ildə Mərkəzi Bankda yaradılıb. MKR-də ölkənin bank sektorunda kredit öhdəliyi olan fiziki və hüquqi şəxslərin məbləğindən asılı olmayaraq bütün kreditləri haqqında məlumatlar toplanır.(oxu.az)

Çox Oxunanlar