BolgeXeber.Com » Xəbərlər » Ağalar Vəliyev seçkiyə 120 000 xərcləyib- Deputatlıq onun nəyinə lazımdır

Ağalar Vəliyev seçkiyə 120 000 xərcləyib- Deputatlıq onun nəyinə lazımdır

24-10-2015, 18:27
Oxunub: 1 622 Ağalar Vəliyev seçkiyə 120 000 xərcləyib- Deputatlıq onun nəyinə lazımdırYeni Azərbaycan Partiyası tərəfindən 97 saylı Goranboy-Ağdam-Tərtər seçki dairəsindən namizədliyi irəli sürülən Ağalar Vəliyevlə bağlı redaksiyamıza maraqlı informasiya daxil olub

Bildirək ki, həm də “Azəraqrartikinti” ASC-nin sədri olan Ağalar Vəliyev namizədlər arasında ən imkanlılardan hesab olunur.


DİA.AZ-a daxil olan informasiyada qeyd olunur ki, öz yaxın çevrəsi ilə müzakirədə Ağalar Vəliyev bu günə kimi seçki təbliğatına və ümumiyyətlə seçki prosesinin təşkilatçılığına 120 min manat pul xərcləyib.

Bildirək ki, kifayət qədər ciddi məbləğ hesab olunan bu vəsait hər kəs üçün əlçatan deyil.

Dia.az xatırladır ki, deputatın bir aylıq maaşı 1600 manatdan çox deyil. Və hesablayanda aydın olur ki, bir deputat 5 ildə 96 min manat maaş alır.

Ağalar Vəliyev isə hələ bu günə qədər 120 min manat xərcləyibsə, deməli, hörmətli deputatımızın deputat maaşına nəyisə hesabladığını güman etmək olmaz... Yəni deputatlıq ona maddi baxımdan sərf etməməlidir. Şünki indidən elə 24 min manat ziyandadır...