Hərbi hissələrdə “Açıq qapı” günü keçirilmişdir-Tərtərdə
26-10-2015, 18:13
Oxunub: 5 746
“Açıq qapı” günü ilə əlaqədar keçirilən tədbirlərdə Azərbaycan Müdafiə Nazirliyinin nümayəndəsi genaeral mayor Rasim Əliyev iştirak etmişdirOktyabrın 25-də Azərbaycan Silahlı Qüvvələrinin Ali Baş Komandanı cənab İlham Əliyevin göstərişinə əsasən Tərtər rayonunun ərazisində yerləşən hərbi hissələrdə “Açıq qapı” günü keçirilmişdir. Tədbirdə rayon icra hakimiyyətinin nümayəndələri, əsgər valideynləri və doğmaları, müharibə veteranları, şəhid ailələri, təhsil, səhiyyə, mədəniyyət işçiləri, məktəblilər və rayon ictimaiyyətinin təmsilçiləri iştirak etmişlər.
Nümayəndələr əvvəlcə hərbi hissələrdə əsgərlərin yaşayış, məişət şəraiti ilə tanış olub, xidməti və inzibati binalarda, əsgər yataqxanalarında, yeməkxanalarda olmuşlar.
“Açıq qapı” günündə iştirak edən Tərtər rayon icra hakimiyyətinin başçısı Müstəqim Məmmədov ölkə rəhbərinin regionlarda aparılan tikinti-quruculuq işlərinə, ordu quruculuğuna, şəhid ailələrinə, müharibə veteranlarına göstərdiyi diqqət və qayğıdan danışmış, şəhid adlarının əbədiləşdirildiyini bildirmişdir. Qeyd etmişdir ki, vaxtıilə ayrı-ayrı vaxtlarda icra başçısı işləyənlər küçələrə şəhidlərin adlarının əvəzinə öz atalarının adlarını vermişlər. İndi həmin küçələrin adları dəyişdirilmiş, Azərbaycanın Milli Qəhrəmanları Vəzir Orucovun, Mübariz İbrahimovun, “Azərbaycan Bayrağı” ordenli Mehrac Mahmudovun, şəhid İlqar Həsənovun adları verilmişdir. Vəzir Orucovun adını daşıyan küçənin girişində onun baralyefi qoyulmuşdur. Hazırda şəhidlərin adları verilmiş digər küçələrdə də abadlıq işləri aparılır, onların da baralyefləri hazırlanıb qoyulacaq. Vətən uğrunda canlarından keçmiş şəhidlərin döyüş fəaliyyəti gənclərimizə örnəkdir.
Sonra “Azərbaycan Bayrağı” ordenli şəhid Mehrac Mahmudovun bacısı Validə Mahmudova, Vətən Müharibəsi Veteranları İctimai Birliyinin rayon şöbəsinin sədri Nizami Heydərov, N saylı hərbi hissənin komandiri general mayor Hikmət Həsənov çıxış edərək öz ürək sözlərini bildirmişlər.
Rayon icra hakimiyyətinin başçısı əsgərlərin görüşə gələn valideynləri ilə səmimi söhbət aparmış, onların qayğıları ilə maraqlanmışdır.
“Açıq qapı” günü ilə əlaqədar keçirilən tədbirlərdə Azərbaycan Müdafiə Nazirliyinin nümayəndəsi genaeral mayor Rasim Əliyev iştirak etmişdir.
Bolgexeber.com
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
