BolgeXeber.Com » Xəbərlər » Kürdəmirin icra başçısının adı "MTN işi"ndə

Kürdəmirin icra başçısının adı "MTN işi"ndə

29-10-2015, 17:48
Oxunub: 1 467 Kürdəmirin icra başçısının adı "MTN işi"ndəRabitə və Yüksək Texnologiyalar Nazirliyinin aparat rəhbəri Vidadi Zeynalov barəsində həbs qətimkan tədbiri seçilib. Rabitə və Yüksək Texnologiyalar Nazirliyinin (RYTN) aparat rəhbəri Vidadi Zeynalov həbs olunub

Bolgexeber.com-un APA-ya istinadən məlumatına görə, Səbail Rayon Məhkəməsinin qərarı ilə V. Zeynalov barəsində 3 ay müddətinə həbs qətimkan tədbiri seçilib. V. Zeynalovun vəzifəsindən azad olunması barədə də artıq əmr imzalanıb.

Qeyd edək ki, V. Zeynalovun həbsinin sabiq milli təhlükəsizlik naziri Eldar Mahmudovun yaxın qohumu, Bakı Telefon Rabitəsi İstehsalat Birliyinin rəhbəri Beytulla Hüseynovun fəaliyyəti ilə əlaqəli olduğu bildirilir.

B. Hüseynov da işdən çıxarılaraq, barəsində 3 aylıq həbs qətimkan tədbiri seçilib. Bir müddət əvvəl V. Zeynalovun saxlanılması barədə məlumatlar yayılıb.

RYTN-də çalışan daha bir neçə yüksək vəzifəli şəxsin saxlanılması barədə də məlumatlar var.

Criminal.az-a daxil olan məlumata görə, Azərbaycanın ən zəngin şəxslərindən hesab olunan V.Zeynalov Kürdəmir rayon İcra Hakimiyyətinin başçısı Ceyhun Cəfərovun qaynıdır.

Məsələ ilə bağlı C.Cəfərovla iki gün ərzində danışmaq istəsək də, onun ərazidə olduğu bildirildi.