BolgeXeber.Com » Xəbərlər » Milli Məclisin yeni deputatı: - “Rüşvətə qarşı mübarizə aparacam”

Milli Məclisin yeni deputatı: - “Rüşvətə qarşı mübarizə aparacam”

2-11-2015, 11:16
Oxunub: 943 Milli Məclisin yeni deputatı: - “Rüşvətə qarşı mübarizə aparacam”“Mən seçki kampaniyamda 40-dan artıq görüş keçirdim

Seçicilərimə qaldıracağım məsələlərlə bağlı verdiyim vədləri yerinə yetirməyə çalışacağam”. Bunu Modern.az saytına açıqlamasında Vəhdət Partiyasının sədri, 87 saylı Ağsu-İsmayıllı Seçki Dairəsindən Milli Məclisə deputat seçilən Tahir Kərimli deyib.

O, bildirib ki, parlamentdə insanların sosial problemlərini və Azərbaycanda sabitlik məsələlərini qaldıracaq.

Tahir Kərimlinin sözlərinə görə, iqtisadiyyatda dövlət tənzimlənməsinin həyata keçirilməsi, sosial ədalətin gücləndirilməsi istiqamətində işlər aparacaq.

“Bununla yanaşı, Qarabağ problemində irəliləyişə nail olunması və torpaqlarımızın azad edilməsi üçün təkliflər səsləndirəcəyəm. Korrupsiya, rüşvətxorluğa qarşı mübarizə aparacağam. Xalqımıza dövlətə inam hissini aşılamağa çalışacağam”.

Qeyd edək ki, Tahir Kərimli AXC hakimiyyəti dövründə Ali Məhkəmənin sədri olub.