BolgeXeber.Com » Xəbərlər » Qazaxda şəhid övladından rüşvət tələb edilir-İTTİHAM

Qazaxda şəhid övladından rüşvət tələb edilir-İTTİHAM

3-11-2015, 10:37

Oxunub: 4 130

Gənc xanım bələdiyyə sədri "peşəkarlığını" nümayiş etdirir...

Bolgexeber.com-un redaksiyasına Qazaxdan gələn məlumatda Qazax rayonunun Xanlıqlar bələdiyyəsinin sədri, Asiya Əhməd qızı Alıhüseynovanın şəhid övladından şirinlik adı ilə rüşvət istəməsi haqda məlumat daxil olub.Həmin məlumatı olduğu kimi təqdim edirik:
"Bu Qazaxda görünməyən hadisə kimi qiymətləndirilmir. Ona görə ki, nəinki şəhid ailəsindən, adi bir yoxsuldan da düzəlməyi mümkün olan bir işin düzəlməsində də pul istənilir.

Qazax rayonunun Xanlıqlar bələdiyyəsinin sədri, hələ ailə həyatı qurmamış Asiya Əhməd qızı Alıhüseynovanın tamahı isə Həzrəti Əlinin qılıncından da itidir. Bələdiyyə seçkisində saxta bülletenlərin “qönçəsi” hesab edilən Asiya Alıhüseynova həmin kəndin əhalisi demişkən: “uşaq olduğu yerdə göylə əlləşir”. Ötən gün isə hərbi hissələrin birində xidmətdən artıq qulluq edən, şəhid övladı İsgəndərov Pərvin Pərviz oğlundan verilən torpağın şirinliyi üçün 500 manat istəməsi biabırçılıqdır.Bu barədə şikayət xarakterli məlumatı verən Pərvin İsgəndərovun dayısı Etibar adlı şəxs olub.

Şəhidlik və qəhrəmanlıq anlayışlarını dərk etməyən xanım bələdiyyə sədrinin, deyəsən gözünü “qan örtüb”. Bəs onda görəsən, “Şəhidlik ən uca zirvədir!” deyərək millətində qəhrəmanlıq təcəssümü yaradan hökumət nümayəndələrimiz xanım bələdiyyə sədrinin belə istək və arzusuna necə baxırlar?"

Qarşı tərəfin də fikrini dinləməyə hazırıq.
İlham Hacalı
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]