Bizimlə əlaqə | Reklam
BolgeXeber.Com » Xəbərlər » Deputatın mandatı alına bilər

Deputatın mandatı alına bilər

4-11-2015, 16:01
Oxunub: 4 183 Deputatın mandatı alına bilərHüquqşünas: “Milli Məclis onun deputatlıq səlahiyyətinə xitam verməlidir”

Noyabrın 1-də keçirilən parlament seçkilərində 57 saylı Kürdəmir seçki dairəsindən Belçika Krallığında yaşayan azərbaycanlı Müslüm Məmmədov deputat seçilib. O, 14387 səs yığaraq qalib gəlib. M.Məmmədov anket məlumatında Belçika Krallığının Brüssel şəhərində yaşadığını göstərib.
Bitərəf deputat Brüsseldə Azərbaycan Kommunikasiya Ofisinin rəhbəridir. 2009-cu ildə fəaliyyətə başlamış bu ofis Belçikada lobbi xidmətinin təşkili ilə məşğuldur.
M.Məmmədovun Milli Məclisin üzvü seçilməsi suallar yaradıb. İndiyə qədər xarici ölkə vətəndaşının Azərbaycanda deputat seçilməsi hallarına rast gəlinməyib. Maraqlıdır, qanunvericiliyimizdə belə hallarla bağlı hər hansı bir prosedur varmı, yaxud digər ölkənin vətəndaşı Azərbaycan parlamentinə deputat seçilə bilərmi?
Hüquqşünas Müzəffər Baxış "Musavat.com"a açıqlamasında qanunvericilikdə xarici ölkə vətəndaşının ölkəmizdə millət vəkili seçilməsinin qadağan olduğunu bildirdi: “Qanunvericiliymizə görə, başqa ölkənin vətəndaşı Azərbaycan Milli Məclisinə deputat seçilə bilməz. Yalnız Azərbaycan vətəndaşı deputat seçilə bilər. Ola bilsin ki, Müslüm müəllim əvvəllər Belçika vətəndaşı olub, indi Azərbaycan vətəndaşıdır. Əgər o, Belçika vətəndaşıdırsa, Dairə Seçki Komissiyası qeydə almazdı.
Hətta qanunvericiliyin 89-cu maddəsində göstərilir ki, millət vəkili olan şəxs xarici ölkənin vətəndaşlığını qəbul edirsə, Milli Məclis onun deputatlıq səlahiyyətinə xitam verməlidir. Belə bir məsələnin olacağına inanmıram. Amma bir şeyi də deyim ki, Azərbaycan vətəndaşı ola-ola Belçika vətəndaşlığını gizlədə də bilər. Gələcəkdə bu hal üzə çıxsa, deputatlıq səlahiyyətlərinə xitam veriləcək. Bu məsələ dəqiq araşdırılmalıdır. Bir daha bildirirəm ki, yalnız Azərbaycan Respublikasının vətəndaşları Milli Məclisimizə deputat seçilə bilərlər”.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]