BolgeXeber.Com » Xəbərlər » Eldar Mahmudovun atasının adına olan məktəb də sökülüb

Eldar Mahmudovun atasının adına olan məktəb də sökülüb

4-11-2015, 18:14

Oxunub: 742 Eldar Mahmudovun atasının adına olan məktəb də sökülüb

Əhməd Mahmudovun adını daşıyan lisey ləğv edilib

Sabiq milli təhlükəsizlik naziri Eldar Mahmudovun atası, mərhum akademik Əhməd Mahmduvun Naxçıvanda adını daşıyan məktəbin önündəki büstünün götürüldüyü barədə məlumat yayılmışdı. Mətbuatın dərc etdiyi məlumatda qeyd olunurdu ki, həmin büst Eldar Mahmudov işdən azad edildikdən uçurulub.

Modern.az saytı həmin təhsil ocağı ilə bağlı maraqlı məlumat əldə edib. Saytımıza verilən məlumata görə, Əhməd Mahmudovun adını daşıyan lisey ləğv edilib. İndi həmin ərazidə fizika-riyaziyyat təmayüllü yeni lisey tikilir. Naxçıvandakı mənbənin sözlərinə görə, ola bilər ki, mərhum eks-nazirin atasının büst bu səbəblə götürülüb.

Qeyd edək ki, Eldar Mahmudov ölkə prezidentinin sərəncamı ilə oktyabrın 17-də milli təhlükəsizlik naziri vəzifəsindən azad edilib. Bundan sonra isə Milli Təhlükəsizlik Nazirliyində ciddi yoxlamalar aparılıb və xeyli vəzifəli şəxs həbs olunub.

Çox Oxunanlar