BolgeXeber.Com » Xəbərlər » 5 saylı poliklinikada bazar açılıb

5 saylı poliklinikada bazar açılıb

5-11-2015, 17:50

Oxunub: 865 5 saylı poliklinikada bazar açılıb

Bakının 5 saylı şəhər poliklinikasında neqativ hallar göz deşir

Bolgexeber.com vertikal.az-a istinadla xəbər verir ki, dövlət tibb müəssisələrində əhaliyə göstərilən xidmətlər pulsuz olsa da, xəstələr 5 saylı poliklinikada bu imtiyazlardan məhrumdurlar.
Belə ki, pul verməyən xəstələr burada nə əməlli müayinədən keçə bilirlər, nə də onlara doğru-dürüst müalicə təyin olunur.
Baş həkimin müavini Nelli xanımın məsuliyyət daşımalı olduğu qeyd edilir. Sayt yazıb ki, 5 saylı poliklinikada yaranmış vəziyyətdən şikayətlənən şəhər sakinləri tibb müəssisəsinin bəzi əməkdaşlarını həm də saxta arayışların verilməsində ittiham edirlər.
İddia olunur ki, bu gün poliklinikada xəstəlik kağızlarının (bülleten), 88 saylı forma və digər arayışların verilməsi əsil kommersiya fəaliyyətinə çevrilib. 5 saylı poliklinikada müəyyən olunmuş məbləği ödəməklə, heç bir müayinədən belə keçmədən, tələb oluynan istənilən arayışı dərhal almaq olur.
Hətta müəyyən maxinasiyalar vasitəsilə arayışların köhnə tarixlə qeydiyyatına nail olmaq mümkündür.
Təbii ki, bu zaman ödənilən məbləğ bir neçə dəfə artıq olacaq. Bu işlərin başında Nelli həkimin durduğu, eyni zamanda da sahə həkimi olan Kəmalə xanımın bu işlərdə vasitəçilik etdiyi bildirilir.
Qeyd edək ki, baş həkim vəzifəsinə Leyla xanım Şərifova təyin edilib.
5 saylı şəhər poliklinikasının baş həkimi Leyla Şərifovanın da mövqeyini dərc etməyə hazırıq.

Çox Oxunanlar