Bizimlə əlaqə | Reklam
BolgeXeber.Com » Xəbərlər » Bakıda 10 ayın yol qəzaları: 187 ölü, 728 yaralı

Bakıda 10 ayın yol qəzaları: 187 ölü, 728 yaralı

5-11-2015, 16:21
Oxunub: 4 519 Bakıda 10 ayın yol qəzaları: 187 ölü, 728 yaralı2015-ci il yanvarın 1-dən noyabrın 2-dək Bakı şəhərində 665 yol-nəqliyyat hadisəsi baş verib

Bunu Daxili İşlər Nazirliyi Bakı şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.
Onun sözlərinə görə, qəzalar nəticəsində 187 nəfər həlak olub, 728 nəfər xəsarət alıb: “Ötən ilin müvafiq dövrü ilə müqayisədə bu göstərici 94 hadisə, 79 ölüm və 14 xəsarət faktı azdır. Faizlə desək, yol qəzaları 12, ölüm faktları 27, xəsarət almalar isə 4 faiz azalıb”.

Hadisələrin baş vermə səbəblərinə toxunan V.Əsədov qeyd edib ki, yol qəzaları daha çox sürət həddinin aşılması və qarşı hərəkət zolağına çıxma nəticəsində yaranır.

Onun sözlərinə görə, piyadaların vurulması ümumi hadisələrin 51 faizi, yolayrıcını keçmə – 9 faiz, sürət həddini aşma isə 41 faizini təşkil edir.

Bölmə rəisi cəzalandırılan sürücülərin statistikasını da açıqlayıb: “Yolun əks istiqamətinə çıxmaqla ötmə, yəni manevr qaydalarını pozan 7858, yolayrıcını keçmə qaydalarını pozan 161 515, ümumilikdə isə 791708 sürücü inzibati qaydada məsuliyyətə cəlb edilib. Bundan başqa, ilin əvvəlindən bu günə kimi Bakı şəhərində baş vermiş yol qəzaları nəticəsində 18 uşaq ölüb, 45-i xəsarət alıb. Görülən tədbirlər nəticəsində daha çox cərimə bal topladığı üçün 440 nəfər sürücülük hüququndan məhrum edilib”.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]