BolgeXeber.Com » Xəbərlər » Adil Vəliyevin adamları qoçuluq etdi - FOTO

Adil Vəliyevin adamları qoçuluq etdi - FOTO

7-11-2015, 19:48

Oxunub: 4 329

"AZ Retail" MMC Abşeron rayonu Məhəmmədi qəsəbəsində ona məxsus olduğunu bildirdiyi ərazidə anbar və logistik mərkəzin tikintisinə başlayıb

Ancaq özünü Sabunçu rayon İcra Hakimiyyətinin əməkdaşları kimi təqdim edən bir qrup şəxs tikintiyə imkan vermir.

Onlar noyabrın 7-də günorta saatlarında əraziyə gələn beton maşınlarının qabağını kəsiblər. Sürücülərə və fəhlələrə işləməsinlər deyə, təzyiq edirlər. Bu haqda Azadlıq Radiosunun əməkdaşları hadisə yerindən xəbər verirlər.

Tərəflər arasında qısamüddətli qarşıdurma yaranıb. Olay yerinə polis çağırılıb. Eyni zamanda ərazidə xeyli sayda idmançı görkəmində şəxslər toplaşıb.

MMC-nin hüquqşünası Alov Səfərəliyev deyir ki, kənd təsərrüfatı mallarının saxlanılması üçün nəzərdə tutulan anbar və logistik mərkəz İqtisadi İnkişaf Nazirliyinin dövlət proqramı çərçivəsində ayırdığı kredit əsasında tikilir: "Bu ərazi Abşeron rayonu Məhəmmədi qəsəbəsinə aiddir. Bizim torpaqla bağlı aldığımız kupçada da, reyestrdən çıxarışda da bura Məhəmmədi qəsəbəsinin ərazisi kimi göstərilib. Amma buna baxmayaraq, Sabunçu rayon İcra Hakimiyyətinin işçiləri tikintiyə müdaxilə edir, qanunsuz şəkildə tikintini dayandırmağa çalışırlar. Heç bir sənəd də təqdim etmirlər. Bilmirik nəyin əsasında belə bir tələblə çıxış edirlər".

Sabunçu rayon İcra Hakimiyyətindən münasibət öyrənməyə çalışırıq.

Bu günlərdə prezident İlham Əliyev sahibkarlara təzyiqləri pisləyib və bunu yolverilməz adlandırıb.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]