BolgeXeber.Com » Xəbərlər » Bərdədə Dövlət Bayrağı günü qeyd olundu- FOTO

Bərdədə Dövlət Bayrağı günü qeyd olundu- FOTO

10-11-2015, 18:58

Oxunub: 1 006

9 noyabr tarixində Bərdədə Azərbaycan Respublikasının Dövlət Bayrağı gününə həsr edilmiş tədbir keçirilmişdir

Şəhərin Heydər Əliyev prospektindəki Bayraq Meydanından yürüşlə başlanan tədbir Bərdə Olimpiya kompleksində davam etdirilmişdir.
Tədbir Azərbaycan Respublikasının Dövlət Himninin səsləndirilməsi ilə başlanmışdır.
Azərbaycan Respublikası Müdafiə Nazirliyi, Gəncə zabitlər evi və Bərdə rayon İcra Hakimiyyətinin birgə təşkilatçılığı ilə keçirilən tədbirdə Bərdə rayon İcra Hakimiyyəti başçısının müavini, YAP rayon təşkilatının sədri Fəqət Şadlinskaya çıxış edərək tədbir iştirakçılarını bayram münasibətilə təbrik etmiş, ulu öndər Heydər Əliyev tərəfindən üçrəngli bayrağın 1990-cı ildə Naxçıvan Muxtar Respublikasının Ali Məclisinə gətirilərək qəbul edilməsindən, möhtərəm Prezidentimiz cənab İlham Əliyevin rəhbərliyi ilə dünyanın ən əzəmətli bayrağının məhz Azərbaycanda ucaldılmasından, həm dövlət səviyyəsində, həm də hər bir azərbaycanlı ailəsində müstəqil Azərbaycan dövlətinin üçrəngli bayrağının nə qədər əziz və müqəddəs tutulduğundan danışmışdır.
Azərbaycan Respublikası Müdafiə Nazirliyi ictimaiyyətlə əlaqələr şöbəsinin rəis müavini polkovnik A.Qurbani, Bərdədə yerləşən “N” saylı hərbi hissənin komandir müavini E.Əliquliyev çxış edərək tədbir iştiarakçılarını Bayraq günü münasibətilə təbrik etmiş, Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə işğal altında qalmış torpaqlarımızın tezliklə azad olunmasını və Azərbaycan Bayrağının Qarabağda, Şuşada dalğalanmasını arzulamışlar.
Sonra tədbir konsert proqramı ilə davam etmişdir. Azərbaycan Respublikasının xalq artisti Azərinin ifasında səslənən mahnılar tamaşaçılara xoş ovqat bəxş etmişdir.
Bolgexeber.com

Çox Oxunanlar