BolgeXeber.Com » Xəbərlər » “Azərboru” ASC-də maaşlar verilmir – ŞİKAYƏT

“Azərboru” ASC-də maaşlar verilmir – ŞİKAYƏT

13-11-2015, 14:19
Oxunub: 847 “Azərboru” ASC-də maaşlar verilmir – ŞİKAYƏT“Xəstəmizə dərman, uşaqlarımıza isti geyim ala bilmirik. 3 aydır evimizə ərzaq ala bilmirik"

Bolgexeber.com bildirir ki,“Azərboru” ASC fəhlələri TİA.AZ vasitəsi ilə prezidentə müraciət edib. Narazı fəhlələr qeyd edirlər ki, üç aydır maaşlar verilmir.

Şikayət məktubunda deyilir ki, “Baku Steel Company” şirkəti sahib olduğu Sumqayıtdakı “Azərboru” ASC fəhlələrinə əmək haqlarını ödəmir: “Xəstəmizə dərman, uşaqlarımıza isti geyim ala bilmirik. 3 aydır evimizə ərzaq ala bilmirik. Fəhlələrin böyük qismi artıq 8 aydır 67%-lə evə buraxılıb. Zavodumuza Baku Steel Company sahiblənən gündən maddi durumumuz yox dərəcəsinə düşüb.
Azərbaycanda metallurgiya sahəsində kriminal imic qazanıb, bütün rəqiblərini bazardan çıxaran Baku Steel Company şirkətinin Azərboru ASC fəhlələrinin avqust, sentyabr, oktyabr maaşlarını verməyə pulu yoxdur?”
Şikayətçilər bildirirlər ki, ödəniləcək məbləğ də o qədər böyük deyil: “67 faizlə ödəniş edəndə hər fəhlənin bir ayına 170 manat pul düşür. Çox xahiş edirik, bizə kömək edin”.