BolgeXeber.Com » Xəbərlər » “Dünən bir-biri ilə “çaşka-loşka” olanlar bu gün bir-birini çarmıxa çəkir...”

“Dünən bir-biri ilə “çaşka-loşka” olanlar bu gün bir-birini çarmıxa çəkir...”

18-11-2015, 10:34

Oxunub: 1 612

"Axı hamı bilir ki, hansı naziri "qurdalasan" eyni biabırçılıqla üzləşəcəksən"

Bu günlərdə vəzifəsindən azad olunmuş nazirlər və onların yaxınları ilə bağlı mətbuatdakı yazılar göstərir ki, cəmiyyəti, ölkədə baş verən təhlükəli hadisələrin əsas səbəbi deyil, bu barədə yazılan “şok” materiallar maraqlandırır

Yazıların çoxunda sevinc, qərəz hiss olunur. İş o yerə çatıb ki, bəzi mətbuat nümayəndələri nazirin hansı bölgəyə mənsub olmasına dair palaz-palaz yazılar dərc edir. Ən dəbdə olan mövzu isə vəzifədən azad olunmuşların var-dövləti və qohum-əqrəbalarıdır. Baş verənlər toy-bayram, ədalətin zəfər çalması kimi təqdim olunur. Sanki başqa nazirlər maaşla dolanır və qohum-əqrəbaları qul bazarında çalışırlar.
Baş verənlər isə bir daha dövlətçiliyin təhlükədə olduğunu göstərir. Axı hamı bilir ki, hansı naziri "qurdalasan" eyni biabırçılıqla üzləşəcəksən. Dünən bir-biri ilə “çaşka-loşka” olanlar bu gün bir-birini çarmıxa çəkir. Dünən nazir qohumuna, dostuna görə ayağı yer görməyən, bu gün ondan imtina edir, qaçmağa siçan deşiyi axtarır, üzünə durmağa hazırdır. Həmin nazirlər deyil, onların “sağ əli”, ”sol qıçı” ilə oturub durmaqla fəxr edənlər bu gün ən ucadan “onları asmaq lazımdır” deyə çığırır, sağlığına qədəh qaldıranlar bu gün onların həbsi barədə təqdimatlar yazır, həbs qətimkan tədbiri seçirlər. Mən isə baş verənlərə çox acıyıram. Baş verənlər tək onların yox, hamımızın faciəsidir.

Aslan İsmayılov, tanınmış hüquqşünas

Çox Oxunanlar