Bakıda polis restoran sahibindən pul istəyib
21-11-2015, 13:36
Oxunub: 3 111
Dünən gecə Bakının Səbail rayonunda fəaliyyət göstərən "Xoxo lounge" restoranına polis əməkdaşları gəlib
Bu barədə "Report"a həmin restorandan məlumat verilib.
Məlumata görə, Səbail Rayon Polis İdarəsinin (RPİ) 39-cu Polis Bölməsinin əməkdaşları restoran işçilərinə restoranı gecə saat 12:00-dan sonra işlətməmələrini istəyib. Restoran əməkdaşları bunun səbəbini soruşduqda, polislər bunu qonşuların səs-küydən şikayət etməsi ilə əsaslandırıb. Restorandan verilən məlumata görə, polis əməkdaşları onu da deyib ki, 2 500 manat pul ödəniləcəyi təqdirdə, restoranı gecə saat 12:00-dan sonra da işlətmək olar. Yaranan mübahisə nəticəsində restoranın mühafizə xidmətinin rəisi Bəhmən Məmmədov 39-cu Polis Bölməsinə aparılıb.
39-cu Polis Bölməsindən "Report"a bildirilib ki, B.Məmmədov sərbəst buraxılıb. Restoranla bağlı əhalidən neçə şikayət daxil olmasına gəlincə, polis bölməsindən bunları deyiblər: "Həmin restoranla bağlı rəsmi deyil, şifahi şikayət daxil oldu. Həmin ərazidə yaşayan vətəndaşlar gecə saat 12:00-dan sonra restoranın işləməsindən narazıdırlar. Çünkü gecə yarısından sonra oradan səs-küy gəlir. Bunun üçün də vətəndaşlar bizə müraciət ediblər. Bölmənin əməkdaşları da dünən gecə həmin restorana gedib onlara xəbərdarlıq ediblər. Restoranın mühafizə xidmətinin rəisi Bəhmən Məmmədovla polis əməkdaşları arasında mübahisə yaranıb. Həmin şəxs bölməyə gətirilib, onun izahatı alınıb. Daha sonra Bəhmən Məmmədov buraxılıb".
Bölmədən polis əməkdaşlarının restorandan hər hansı məbləğdə rüşvət istənilməsi iddiasına da münasibət bildirilib: "Bölmənin heç bir əməkdaşı restoran sahibindən rüşvət tələb etməyib. Bu məlumat düzgün deyil".
Daxili İşlər Nazirliyinin (DİN) mətbuat xidmətindən "Report"a bildirilib ki, əgər sahibkardan rüşvət istənilməsi və əsassız müdaxilə halı varsa, sahibkar DİN-ə müraciət edə bilər.
Məsələyə münasibət bildirən Vəkillər Kollegiyasının üzvü Adəm Məmmədov "Report"a deyib ki, əgər hansısa istirahət müəssisəsində səs-küy yaranarsa, bununla bağlı İnzibati Xətalar Məcəlləsində (İXM) müvafiq cərimə nəzərdə tutulub: "Lakin hüquq-mühafizə orqanlarının əməkdaşları vətəndaşların rəsmi müraciəti olmadan hər hansı sahibkara xəbərdarlıq edə bilməz. Bu, ciddi qanun pozuntusudur. Qanunvericilikdə göstərilib ki, hüquq-mühafizə orqanları əməkdaşlarının sahibkarların fəaliyyətinə əsassız, qanunsuz müdaxilə etməsi yolverilməzdir. Ölkə prezidentinin sahibkarlara dəstək nümayiş etdirdiyi sonuncu çıxışlarda da öz əksini tapıb. Əgər bu çıxışlardan sonra hansısa polis əməkdaşları qanunvericiliyin tələblərinə əməl etmirsə, sahibkar, indiki halda restoran rəhbərliyi rəsmi qaydada hüquq-mühafizə orqanlarına, Daxili İşlər Nazirliyinə, Prezident Administrasiyasına və digər aidiyyəti dövlət qurumlarına müraciət edə bilər".
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər