BolgeXeber.Com » Xəbərlər » Nardaran qeydiyyatında olmayanlar qəsəbəyə buraxılmır

Nardaran qeydiyyatında olmayanlar qəsəbəyə buraxılmır

28-11-2015, 10:40

Oxunub: 2 474

Nardaran qəsəbəsində vəziyyət dəyişməz olaraq qalır

Qəsəbənin giriş və çıxışı yenə ciddi nəzarətdədir.

Bolgexeber.com trend-ə istinadən məlumatına görə, gecə saatlarından başlayaraq artıq yalnız qəsəbəyə daxil olan avtomobillər deyil, nəqliyyat vasitələrindəki sərnişinlərin sənədləri də yoxlanılır.

Həmçinin Nardaranda qeydiyyatda olmayan şəxslərin avtomobillərinin qəsəbəyə girişinə icazə verilmir.

Qəsəbədə elektrik enerjisi hələ də bərpa edilməyib. Xatırladaq ki, abonentlərin borcu olduğu üçün elektrik enerjisinin verilişi ötən gündən dayandırılıb.

Kənd sakinləri hələ də meydanı tərk etməyiblər, tonqal yandıraraq ətrafına yığışıblar.

Nardaran Ağsaqqallar Şurasının sədri Natiq Kərimov bildirib ki, hazırda meyitlər ekspertizadadır: "Hazırda istintaq aparılır. Meyitlərin noyabrın 28-də qaytarılacağı deyilib. Məsələni şişirtməyə ehtiyac yoxdur. Heç kəs bizə meyitlərin qaytarılmayacağını deməyib".

N.Kərimov qeyd edib ki, heç kəs hadisələrin belə cərəyan etməsini istəməzdi: "Qarşıdurma zamanı həlak olmuş polislər də bizim qardaşlarımızdır. Hamımız azərbaycanlıyıq. Allah hamısına rəhmət eləsin! İstintaq gedir. İnanırıq ki, istintaqın yekununda günahkarlar öz cəzalarına çatacaqlar".
Bolgexeber.com

Çox Oxunanlar